Xəzərin Dağıstan sahillərində qutanlar ölür
Şəklin mənbəyi, BBC World Service
Rusiyanın Dağıstan əyalətində hakimiyyət qeyri-adi soyuqda yemək tapa bilməyən yüzlərlə nadir qutan quşunu xilas etməyə çalışır.
Quşlar ötən həftə Mahaçqala şəhəri yaxınlığına köçüb.
Xəzər Dənizinin donması nəticəsində 20-ə yaxın qutan artıq aclıqdan ölüb, bunu Associated Press agentliyinı hökumət sözçüsü Arslan Dydymov bildirib.
1400-ə yaxın Dalmatin qutanı Rusiyanın cənubunda yaşayır.
"Hər gün qutanlar üçün yüzlərlə kiloqram balıq Dağıstanın Təbiəti Mühafizə Nazirliyi tərəfindən alınır" - cənab Dydymov deyib.
Yerli sakinlər quşları yedirmək üçün hakimiyyətə könüllü kömək göstərirlər.
Ancaq quşların hərəkətsiz ilişib qaldığı tərsanənin rəhbərliyi ictimaiyyətin girişini öncə qadağan etmişdi.
"Biz onları qutanlara görə buraxmaq istəmirdik" - baş gözətçi Maqomed Eldarov AP agentliyinə deyib və əlavə edib ki, sakinlər qutanlar üçün çörək və digər yeməklər gətirirlərmiş.
İndi onlar alınmış balıqlarla yemlənir, çünki Xəzərdə balıq tutmaq mümkünsüzdür.
