Bakıda keçirilən "Azad et!" mitinqi şəkillərdə: Azərbaycan, Avropa və İslam Dövləti bayraqları

Çap edildi

Siyasətçilər çıxış edir, aksiyaçıların bəziləri şüarlar səsləndirir, digərləri isə İslam Dövləti bayraqlarını gətirənləri "tutur". Əziz Kərimovun fotolarında.

Foto: Əziz Kərimov
Şəklin alt yazısı, Məhsul stadionunda keçirilən mitinqin saat 15:00-da başlaması nəzərdə tutulmuşdu. Polis işçiləri bu vaxtdan əvvəl stadiona adamları buraxmayıb.
Foto: Əziz Kərimov
Şəklin alt yazısı, Aksiyada ən çox Azərbaycan və Avropa İttifaqı bayraqları gözə düşüb.
Foto: Əziz Kərimov
Şəklin alt yazısı, Milli Şuranın sədri Cəmil Həsənli, AXCP sədri Əli Kərimli və digər müxalifət siyasətçiləri tribunadan çıxış edib.
Foto: Əziz Kərimov
Şəklin alt yazısı, Aksiyaçılar həbsdə olan fəalların fotoları ilə mitinqdə iştirak edib.
Foto: Əziz Kərimov
Şəklin alt yazısı, Mitinqdə "Siyasi məhbuslara azadlıq" və "Azad et" kimi şüarlar səslənib
Foto: Əziz Kərimov
Şəklin alt yazısı, Etirazçılar həmçinn "Azadlıq" və "İstefa" şüarlarını səsləndirib
Foto: Əziz Kərimov
Şəklin alt yazısı, "Biz Aİ ilə Assosiasiya Sazişi istəyirik!" və "Biz demokratik Azərbaycan istəyirik" plakatları.
Foto: Əziz Kərimov
Şəklin alt yazısı, Mitinq Milli Şuranın təşəbbüsü ilə keçirilib. Qurumun sədri Cəmil Həsənli çıxışında deyib: "Əgər bir il qabaq 10-15 siyasi məhbus var idisə, onların sayı 105-110-a çatıb".
Foto: Əziz Kərimov
Şəklin alt yazısı, Bir neçə nəfər mitinqə İslam Dövləti cihadçı qrupunun bayrağını gətirmişdi. Məlumata görə, bu şəxslər etirazçılar tərəfindən saxlanılaraq polislərə təhvil veriliblər.
Foto: Əziz Kərimov
Şəklin alt yazısı, Etiraz aksiyasında 500-dən çox adam olduğu deyilir.
Foto: Əziz Kərimov
Şəklin alt yazısı, Müsavat Partiyasının rəhbərliyi mitinqdə çıxış etməyib, lakin onlar etirazçıların arasında idilər.
Foto: Əziz Kərimov
Şəklin alt yazısı, Leyla Yunusu, NİDA hərəkatının üzvlərini, Rəsul Cəfərovu və həbsdə olan digər fəalları nümunə gətirən Cəmil Həsənli çıxışında deyib ki, hazırda Azərbaycanın "ən intellektual" şəxsləri həbsdədir.
Foto: Əziz Kərimov
Şəklin alt yazısı, Fotojurnalist Əziz Kərimov deyir ki, bu fotoda saxlanılan kişi mitinqə "İslam Dövləti" bayrağını gətirənlərdən biri olub. "Onu müxalifətçilər tutub polisə aparır. Daha sonra isə, o birisi bayraq çıxardır", Əziz Kərimov deyir.
Foto: Əziz Kərimov
Şəklin alt yazısı, Həm Cəmil Həsənli, həm də AXCP üzvü Natiq Hüseynov bu hadisəni "təxribat" kimi dəyərləndirib. "Onları kənarlaşdıranlardan biri mən idim", Natiq Hüseynov deyir. "Bir neçə dəqiqədən sonra gördüm ki, eyni adam yenidən əlində İŞİD bayrağı stadiona daxil oldu. Bunun adı təxribatdır".