Kaliforniya yanğınları: 10 nəfər həlak olub

Kaliforniyanın şərab istehsalı ilə məşğul olan bölgəsində sürətlə yayılan yanğınlar nəticəsində azı 10 nəfər həlak olub.

İnsanlar kütləvi şəkildə ərazidən köçürülüb, azı 1,500 obyekt məhv olub. Sonoma bölgəsində 7, Napada 2, Mendocinoda isə bir ölüb, rəsmilər bildirib.

Ştatda bu günə qədər baş vermiş "ən pis" meşə yanğınlarından sonra Napa, Sonoma və Yuba bölgələrini 20 minə yaxın insan tərk edib.

Xəsarət alanların sayının artacağı və itkin düşənlərin olduğu bildirilir. Kaliforniya qubernatoru fövqəladə vəziyyət elan edib.

Yanğınların bazar günü gecə saatlarında hansı səbəbdən başladığı hələlik məlum deyil.

Napa bölgəsinin yanğın rəisi bildirib ki, hava şəraiti yanğınsöndürənlərin işinə mane olur.

Yanğınlar güclü külək, aşağı rütubət və isti, quru hava şəraiti kombinasiyası nəticəsində yayılır.

Milli Hava Xidməti San Fransisko sahəsi üçün xəbərdarlıq yayıb ki, "hər yanğın sürətlə yayılacaq".

Kaliforniya ştatının yanğından mühafizə xidmətinin hesablamalarına görə, azı 14 yanğın nəticəsində 70 min hektardan çox ərazi artıq məhv olub.

Bunu Kaliforniyada baş verən ən dağıdıcı yanğın hadisəsi hesab etmək olar.

Sentyabr ayında Kaliforniyanın Losilə üzləşib.