Ariel Şaronun ömür yolu - şəkillər

Çap edildi

85 yaşında ürək çatışmazlığından vəfat etmiş İsrailin mərhum keçmiş Baş naziri bütün Ərəb-İsrail müharibələrinin iştirakçısı olub.

Ariel Sharon, 2005
Şəklin alt yazısı, Keçmiş Baş nazir 85 yaşında vəfat edib. 2006-cı ilin yanvarında Ariel Sharon ikinci dəfə insult keçirdikdən sonra komaya düşür və o zamandən bəri bir daha düzələ bilməmişdi.
Ariel Şaron, 1966. AP
Şəklin alt yazısı, Şaron 1928-ci ildə Britaniya mandatı altında olan Fələstində doğulub, Rusiyadan Fələstinə köçmüş yəhudi emiqrant ailəsində doğulub. O, 1948-49-cu illdərdə Ərəb-İsrail müharibəsində, 1956-cı, 1967-ci və 1973-cü il ərəb-israil müharibələrində iştirak edib.
Fələstin qaçqın düşərgəsi, Qəzza, 1971.
Şəklin alt yazısı, 1971-ci ildə Şaron (mərkəzdə) 2,000 Fələstinlilərə məxsus evlərin məhv edilməsinə rəhbərlik edib. Həmin hadisədən sonra ona Buldozer ləqəbi verilmişdi.
Ariel Şaron, Suriya səhrası, 1973-cü ilin Ərəb-İsrail müharibəsi zamanı. AFP
Şəklin alt yazısı, 1973-ci Şaron hərbiyyədən siyasətə keçid edərək Likud partiyasını yaradır. Şaron 1967-ci ildə işğal edilmiş Fələstin ərzilərində yəhudi məskənlərin yaradılmasınının təşəbbüskarı olub.
Israil Müdafiə naziri Ariel Şaron, Beirut yaxınlığında,1982-ci il, AP.
Şəklin alt yazısı, Müdafiə naziri olduğu dövrdə Ariel Şaron Livanın 1982-ci ildə işğal edilməsi əməliyyatına rəhbərlik edib.
Ariel Şaron, 1986-ci il. Nati Harnik/Government Press Office/Handout
Şəklin alt yazısı, Şaronun birinci arvadı avtomobil qəzasında 1962-ci ildə öləndən sonra, Şaron mərhum arvadının bacısı Lili ilə evlənir. Lili 2000-ci illdə vəfat edir.
İsrail XİN rəhbəri Ariel Şaron və ABŞ prezidenti Bill Clinton. 1998-ci il. İsrail. Reuters.
Şəklin alt yazısı, 1990-cı illərin sonuna yaxın Ariel Şaron yenidən İsrail siyasətinin ön səhnəsinə çıxır. 1999-cu ildə Şaron Likud partiyasının rəhbəri seçilir.
Baş nazir Şaron, 2005. AP
Şəklin alt yazısı, 2005-ci ildə Şaron İsrail dövlətini qorumaq naminə Qəzzadan və Qrərb Sahilindəki kiçik bir ərazidən yəhudi məskunlarını çıxarır. Bu addımonun tərəfdarlarının bir qismini hiddətləndirir.
Şaron Qüdsdəki məbədi tərk edir. 28 sentyabr 2000-ci il. AFP
Şəklin alt yazısı, 2000-ci ildə Şaron Qüdsə baş çəkir, orada həm müsəlmanlar, həm də yəhudilər üçün müqəddəs sayılan məbədi ziyarət edir - onun bu hərəkəti Fələstinliləri qəzəbləndirir.
Ariel Şaron, Likud partiyasının rəhbəri qismində parlament seçkilərinə qatılır.AFP
Şəklin alt yazısı, 2001-ci ildə Şaron parlament seçkilərində qalib gəlir. Şaron seçicilərinə fələstin hücumlarına son qoyacağını vəd etmişdi. lakin hücumlar səngimədi, Fələstin-İsrail danışıqları dalana dirəndi, Şaron isə Fələstin tərəfilə dil tapa bilmədi.