Yüksək rütbəli İD komandiri "öldürülüb"
Şəklin mənbəyi,
İslam Dövləti qruplaşmasının daha bir yüksək rütbəli komandiri Əfqanıstanın şərqindəki Nangarhar əyalətində, raket hücumunda öldürülüb, Əfqanıstan kəşfiyyat rəsmiləri və polis deyir.
Onların sözlərinə görə, Şahidullah Şahid Pakistan Talibanının keçmiş üzvüdür və İD tərəfinə keçibmiş.
Onun bir neçə ləqəb altında işlədiyi güman edilir.
Ölümü təsdiqlənərsə, o Əfqanıstanda öldürülmüş artıq üçüncü yüksək rütbəli İD komandiri olacaq.
Şəklin mənbəyi, BBC World Service
BBC-nin Kabuldakı müxbiri David Loyn deyir ki, cənab Şahid Pakistan Talibanının keçmiş sözçüsüdür.
Yanvar ayında yayılmış və Pakistanda yazıldığı deyilən videoda Şahid, bir qrup döyüşçü ilə İslam Dövləti qruplaşmasına sədaqət andı içdiyini demişdi.
Bundan əvvəl dron hücumlarında daha iki İD qrupu rəsmisi öldürülüb.
Baxmayaraq ki, bu ərazidə dron hücumları etməyə yeganə qadir qüvvə Nato-dur, qurum hələlik Şahidin ölümü barədə açıqlama verməyib.
