Hillary Clinton silah qanunları ilə bağlı əsas rəqibinə qarşı çıxıb
Şəklin mənbəyi, Reuters
Demokratik Partiyanın prezidentliyə namizədlərinin debatı zamanı Hillary Clinton əsas rəqibi olan Bernie Sanders-lə ABŞ-da silah qanunları ilə bağlı mübahisə edib.
Clinton, Vermount senatorunun silaha nəzarətlə bağlı sərt mövqedə olmadığını bildirib. Bununla o, rəqibinin 2005-ci ildə silah istehsalçılarının atışma qurbanlarının iddialarından toxunulmazlığı tədbirlərinə səs verdiyini nəzərdə tutub.
Daha sonra o, son zamanlar ABŞ-da baş verən atışmalar zamanı istifadə edilmiş silahların istehsalçılarını təqib edəcəyinə söz verib.
Bu, hər iki namizəd arasındakı ən kəskin fikir ayrılığı olub.
Silahlarla bağlı məsələ<link type="page"><caption> Oregon ştatındakı kollecdə baş vermiş</caption><url href="http://www.bbc.com/azeri/international/2015/10/151002_oregon_college_shooting" platform="highweb"/></link> kütləvi atışmadan sonra gündəmə qayıdıb.
Cənab Sanders isə öz növbəsində Hillary Clintonun Suriyada qeyri-uçuş zonasını dəstəkləməsinin “ciddi problemlər” yaradacağını bildirib.
