Yaponiyanın cənubunda zəlzələ nəticəsində evlər uçub

Hökümət zəlzələ nəticəsində vurulmuş ziyanın miqyasını dəyərləndirdiyini bildirir.
Şəklin alt yazısı, Hökümət zəlzələ nəticəsində vurulmuş ziyanın miqyasını dəyərləndirdiyini bildirir.
Çap edildi

Yaponiyanın cənubunda baş vermiş zəlzələ nəticəsində bir neçə ev dağılıb, hökumət rəsmisi bildirib.

Məlumatlara əsasən, zəlzələ 6.4 bal gücündə olub.

Yaponiya meteoroloji agentliyinin məlumatına əsasən, zəlzələ Bakı vaxtı ilə 16:26-də Kumamoto şəhərindən şərqdə, Kyushu adasında baş verib.

Məlumatlara əsasən, Kyushu adasında yerləşən Sendai və Genkai nüvə enerji stansiyalarında iş normal rejimdə davam etdirilir.

İlikin məlumatlara görə, hadisə zamanı ölən və yaralanan olmasa da, Kumamoto bölgəsinin polisi uçmuş evlərin altında insanların qala bilməsini istisna etməyib.

Zəlzələnin episentri yerin altında 10 km dərinlikdə olub və hadisədən 40 dəqiqə sonra 5.7 bal gücündə təkrar təkanlar müşahidə olunub.

Yaponiya dünyanın ən çox zəlzələlərə məruz qalan bölgəsində yerləşir.
Şəklin alt yazısı, Yaponiya dünyanın ən çox zəlzələlərə məruz qalan bölgəsində yerləşir.
Yerli sakinlər zəlzələ zamanı binalarda böyük amplitudalı titrəmələrin baş verdiyini bildiriblər.
Şəklin alt yazısı, Yerli sakinlər zəlzələ zamanı binalarda böyük amplitudalı titrəmələrin baş verdiyini bildiriblər.
Kumamoto şəhərində bəzi binalardan sakinlər evakuasiya olunub.
Şəklin alt yazısı, Kumamoto şəhərində bəzi binalardan sakinlər evakuasiya olunub.