İran: partlayıcı maddə zavodunda ölümcül yanğın

İran paytaxtı Tehran yaxınlığındakı partlayıcı maddə zavodunda baş verən yanğın nəticəsində iki adam həlak olub, məlumatlarda deyilir.

Yarı-rəsmi İSNA agentliyinə əsasən, yanğın "partlayıcı maddə istehsal bölməsində" baş verib.

Digər, müxalif saytın məlumatına görə, hadisə paytaxtın cənub-şərqindəki Parçin hərbi kompleksində baş verib, amma bu məlumat təsdiqlənməyib.

Parçin İranın qalmaqallı nüvə proqramı ilə əlaqələndirilib.

Beynəlxalq Atom Enerjisi Agentliyi (IAEA) 2005-ci ildən bu kompleksə çıxış əldə edə bilməyib.

Təhlilçilərə əsasən, IAEA şübhəlidir ki, İran Parçində nüvə silahı buraxa bilən partlayıcılarla eksperiment edir.

Sahamnews saytının məlumatına əsasən, bazar günü baş verən partlayış o qədər güclü olub ki, hadisə yerindən 15 km uzaqlıqda yerləşən binaların pəncərələri qırılıb.