Norilsk: sərnişinlər TU-134 təyyarəsini "uçuş zolağına itələyiblər"
Şəklin mənbəyi, AP
Norilsk prokurorluğu təyyarənin uçuş zolağına "sərnişinlər tərəfindən itələndiyini" əks etdirən videonun öyrənilməsinə başlayıb.
Qərbi Sibir Nəqliyyat Prokurorluğunun nümayəndəsi Oksana Qorbunova "İqarka - Krasnoyarsk” uçuşunu həyata keçirəcək “KATEKAVİA” şirkətinə məxsus TU-134 təyyarəsilə bağlı insidentin noyabrın 25-də baş verdiyini bildirib.
İddia edilir ki, kəskin şaxtalı havada bir sutka dayanacaqda qalmış təyyarənin tormoz sisteminin donmasına görə texniki xidmət avtomobili TU-134-ü start xəttinə çəkib apara bilməyib.
"[Sərnişinlər] ilişib qalan avtomobillərdə olduğu kimi təyyarini itələməyə başlayıblar", - Qorbunovdan İnterfax agentliyində iqtibas gətirilir.
74 sərnişin daşıyan təyyarənin uçuşu uğurlu keçib.
Prokurorluq yoxlamalarında aeroport, heyət və hava şirkətinin hərəkətləri dəyərləndiriləcək.
“KATEKAVİA” "Yu Teyr" şirkətlər qrupuna məxsusdur.
