ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
မြောက်ကိုရီးယား လုပ်ငန်းတွေ ပိတ်ဖို့ တရုတ် အမိန့်ထုတ်
တရုတ်နိုင်ငံမှာ စီးပွားရေး လုပ်နေကြတဲ့ မြောက်ကိုရီးယား ကုမ္ပဏီတွေကို ဇန်နဝါရီလ မှာ အပြီး ပိတ်သိမ်းဖို့ တရုတ် အစိုးရက အမိန့်ပေးလိုက်ပါတယ်။
ဒါက ကုလသမဂ္ဂ က ချမှတ် ထားတဲ့ မြောက်ကိုရီးယားနိုင်ငံအပေါ် အရေးယူ ပိတ်ဆို့မှု အသစ်တွေ ချမှတ် ရေးကို တရုတ် ဘက်က လိုက်နာ ဆောင်ရွက် လာတာ ဖြစ်ပါတယ်။
တရုတ် ကုမ္ပဏီတွေ မြောက်ကိုရီးယားနဲ့ ဖက်စပ်လုပ်နေတာကိုလည်း ရပ်ခိုင်းမယ်လို့ တရုတ် ကူးသန်းရောင်းဝယ်ရေး ဝန်ကြီးဌာနက ဆိုပါတယ်။
တရုတ်ဟာ မြောက်ကိုရီးယားရဲ့ အဓိက ကုန်သွယ်ဘက် ဖြစ်လို့ ဒီပိတ်ဆို့မှုတွေကြောင့် မြောက်ကိုရီးယား စီးပွားရေး ပိုဆိုးလာနိုင်ပါတယ်။
အခုလို တရုတ် နိုင်ငံ ဘက် က အရေးယူမှု ဟာ မြောက်ကိုရီးယား နိုင်ငံ အပေါ် နိုင်ငံပေါင်းစုံကနေ ခြောက်ကြိမ် မြောက် ပိတ်ဆို့ အရေး ယူမှု ဖြစ်လာပါပြီ။
စက်တင်ဘာလ ၁၁ ရက်နေ့ က ကျင်းပ ခဲ့တဲ့ ကုလသမဂ္ဂ လုံခြုံရေး ကောင်စီ အစည်းအဝေးမှာ မြောက်ကိုရီးယားကို ပိတ်ဆို့ အရေးယူမှု အသစ်တွေ ချမှတ်ဖို့ နိုင်ငံအားလုံး က တညီတညွှတ်ထဲ သဘောတူညီ ခဲ့ကြတာ ဖြစ်ပါတယ်။
