Abertawe'n disgwyl chwaraewyr yn ôl

Mae disgwyl i o leia' ddau yn nhîm Abertawe chwarae'r penwythnos hwn yn erbyn Tottenham Hotspur wedi anafiadau.

Yn ddiweddar, mae carfan yr Elyrch wedi dioddef nifer o anafiadau ond bydd y cefnwr, Dwight Tiendalli yn ymarfer am y tro cynta' ers problem gyda llinyn y gar ddydd Iau.

Yn ogystal, bu Roland Lamah yn cymryd rhan mewn sesiwn ddydd Mercher wrth iddo wella o anaf i gyhyr yn ei glun.

Mewn neges ar wefan y clwb dywedodd Abertawe y byddai'n bosib gweld dau arall - Pablo Hernandez a Nathan Dyer - yn eu holau'n fuan wedi anafiadau i linyn y gar a'r ffêr.

Fydd Jonathan de Duzman ddim yn y gêm y penwythnos hwn oherwydd yr anaf i'w ffêr.

Gobaith Abertawe yw y bydd y golgeidwad Michael Vorm yn dychwelyd ar gyfer gêm pedwaredd rownd Cwpan yr FA yn Birmingham wedi llawdriniaeth ar ei benglin.

Dywedodd y clwb fod Michu hefyd yn gwella yn dilyn llawdriniaeth ar ei ffêr ac mae disgwyl iddo ddechrau rhedeg eto'r wythnos nesa'.

Ond mae nhw'n dal i aros i weld pa mor ddifrifol yw'r anaf i ffêr Jose Canas yn y gêm yn erbyn Manchester United y pewythnos diwethaf.

Mae Garry Monk yn parhau i ddioddef o anaf i'w benglin.