Gwell Hwyr Na Hwyrach: 26-27 Ebrill
- Cyhoeddwyd
Bob dydd Llun mi fydd BBC Cymru Fyw yn cymryd cipolwg yn ôl ar rai o ddigwyddiadau'r penwythnos. Dyma i chi rai o'r pethau dynnodd ein sylw dros y Sul aeth heibio.
Mi gyhoeddodd The Independent on Sunday erthygl gan Holly Williams, dolen allanol yn edrych ymlaen at ddarlledu cyfres dditectif Y Gwyll/Hinterland ar BBC 4 nos Lun. Mae'r newyddiadurwraig, sy'n hannu o'r Canolbarth, yn falch y bydd gogoniant Ceredigion yn cael ei weld gan gynulleidfa ehangach.
Bydd DCI Mathias (Richard Harrington) i'w weld ar BBC 4 nos Lun
Mae tîm pêl-droed Caerdydd mewn trafferthion mawr ar waelod yr Uwchgynghrair ar ôl colli 4-0 i Sunderland brynhawn Sul. Mae Paul Evans, un o gefnogwyr y clwb ers chwe degawd, wedi crisialu ei farn am berfformaid yr Adar Gleision yn ei flog., dolen allanol
Fabio Borini yn sgorio yn erbyn Caerdydd brynhawn Sul
Daeth Gŵyl Ffocws Cymru, dolen allanol i ben yn Wrecsam. Ymhlith y perfformwyr roedd Kizzy Crawford a Casi Wyn, dwy gantores a fydd yn elwa o brosiect Gorwelion BBC Cymru eleni.
Roedd yna gyfres newydd ar S4C nos Sadwrn. Morgan Jones ac Elin Llwyd sy'n cyflwyno Band Cymru, rhaglen sy'n rhoi llwyfan i rai o fandiau pres, chwyth a jazz gorau Cymru. Gallwch wylio'r rhaglen gyntaf ar wefan Clic S4C, dolen allanol.
Hanna Gwyn o Fethel
Alice Ford, 21 o Radyr yng Nghaerdydd, gafodd ei choroni yn Miss Wales 2014 nos Sadwrn., dolen allanol Ddydd Gwener yn ystod y dydd mi fuodd un o'r cystadleuwyr eraill, Hanna Gwyn o Fethel ger Caernarfon, yn rhoi darlun i BBC Cymru Fyw o'r paratodau ar gyfer y gystadleuaeth.
