Blackpool 1-0 Caerdydd

Caerdydd yw'r tîm cyntaf i golli yn erbyn Blackpool yn y Bencampwriaeth y tymor hwn, yn dilyn gêm agos yn Bloomfield Road.

Roedd gan yr ymwelwyr dîm da ar bapur, ond ar gae gwair roedd y gêm yn cael ei chwarae ac fe fethodd eu chwaraewyr â phrofi eu gwerth.

Blackpool ddechreuodd orau gyda Ishmael Miller a Nathan Delfouneso yn dod yn agos.

Di-sgôr oedd hi ar yr hanner amser gyda'r gêm yno i'w hennill i ba bynnag dîm allai feddwl am fford di wneud.

Fe adawodd nifer o gefnogwyr y dynion oren ar ôl 53 munud mewn protest yn erbyn y ffordd mae'r cadeirydd dyn rhedeg eu clwb.

Mi fyddan nhw'n difaru achos fe sgoriodd Francois Zoko ddeng munud wedyn - unig gôl y gêm.

Cafodd Fabio ac Adam Le Fondre gyfleoedd da i'w gwneud hi yn gyfartal ond mi roedden nhw'n wastraffus o flaen y gôl.

Mae Caerdydd yn parhau yn 14eg yn y gynghrair, yn ddi-reolwr ac yn ddifflach.