Rhagor o danau gwair dros nos

Dros nos, mae diffoddwyr wedi bod yn parhau i ddelio â nifer o danau gwair ledled Cymru - nifer o'r rhai hynny wedi eu cynnau'n fwriadol.

Ym Mlaenau Ffestiniog, cafodd criwiau eu galw i bedwar tân.

Bu diffoddwyr o wasanaeth y canolbarth a'r gorllewin yn delio â thanau ar Fynydd Cilfái, Abertawe ac ar fynydd Cefn Drum rhwng Rhydaman a Phontarddulais.

Yn y de, fe ledodd tân dros chwe hectar uwch y Gaer yng Nghasnewydd nos Lun.

Fe lwyddodd diffoddwyr i reoli tân anferth ar fynydd Machen, Caerffili erbyn hanner nos. Mae ymchwilwyr yno fore Mawrth yn asesu beth i'w wneud nesaf.