Heddlu arfog yn arestio dyn

Mae Heddlu Gwent wedi arestio dyn ym Mlaenafon yn dilyn digwyddiad lle cafodd cyllell machete ei defnyddio.

Cafodd heddlu arfog a hofrennydd yr heddlu eu galw i'r digwyddiad am 1404 brynhawn dydd Sadwrn.

Arestiwyd dyn lleol 30 oed. Mae'n cael ei holi ynglŷn â throseddau yn ymwneud â'r drefn gyhoeddus, yn ogystal â bod ag arf beryglus yn ei feddiant.

Chafodd neb eu hanafu yn y digwyddiad.