Adfer cyflenwad trydan wedi gwyntoedd cryfion

Mae cyflenwad trydan oddeutu 300 o gartrefi yng Nghymru wedi ei adfer, wedi trafferthion oherwydd gwyntoedd cryfion dros y penwythnos.

Fe ddywedodd Scottish Power fod gwasanaeth i rai cartrefi yng ngogledd Cymru wedi ei effeithio.

Yn ogystal, roedd 259 o gwsmeriaid Western Power heb drydan yn ardal Pontyberem yn Sir Gâr.

Fe gafodd y cyflenwad ei adfer nos Sul.

Fe ddywedodd llefarydd ar ran y cwmni fod "peirianwyr wedi gweithio'n galed mewn amodau gwael i geisio adfer y cyflenwad cyn gynted â phosibl."