Crystal Palace 0-2 Abertawe

Mae'r Elyrch wedi cael eu buddugoliaeth gyntaf yn y tymor newydd ym Mharc Selhurst, Llundain.

Daeth y gôl gyntaf gan yr ymosodwr Tammy Abraham ychydig cyn diwedd yr hanner cyntaf.

Yn fuan yn yr ail hanner y daeth yr ail gan Jordan Ayew gan ladd y gêm.

Roedd amddiffyn yr Elyrch hefyd yn gadarn gan olygu nad oedd cyfle i'r tîm cartref sgorio.

Newcastle fydd gwrthwynebwyr nesaf Abertawe ar Fedi 10, adref yn Stadiwm Liberty.