Adran Dau: Swindon 0-1 Casnewydd

Fe enillodd Casnewydd eu gêm gyntaf mewn pump diolch i beniad Ben Tozer yn y gêm oddi cartref yn Swindon.

Roedd Casnewydd yn croesawu eu capten yn ôl i'r tîm gyda Josh Labadie yn chwarae ei gêm gyntaf ers mis Hydref.

Fe aeth Casnewydd ar y blaen wedi 77 munud. Ben Tozer sgoriodd ei gôl gyntaf ers dros flwyddyn gyda pheniad pwerus o gic cornel.

Fuodd bron i Swindon unioni'r sgôr ym munud olaf y gêm ond daeth y postyn i achub Casnewydd gyda thîm Mike Flynn yn dychwelyd adref gyda thri phwynt gwerthfawr.

Bydd ffocws Casnewydd nawr yn troi at y gêm yn erbyn Caergrawnt penwythnos nesaf yng nghwpan FA Lloegr.

Bydd Josh Ladabie wedi'i wahardd ar gyfer y gêm ar ôl derbyn ei bumed cerdyn melyn o'r tymor yn erbyn Swindon.