Cyhuddo dyn lleol wedi achos taro a ffoi yng Nghaerdydd

Mae dyn 28 oed o Gaerdydd wedi cael ei gyhuddo wedi achos o daro a ffoi wnaeth anafu merch chwech oed.

Mae wedi ei gyhuddo o achosi anaf difrifol tra'n gyrru ag yntau wedi'i wahardd ac o fethu â stopio wedi gwrthdrawiad.

Mae hefyd yn wynebu cyhuddiad o yrru heb yswiriant, ac roedd disgwyl iddo ymddangos o flaen ynadon y ddinas ddydd Llun.

Mae'r ferch yn dal yn cael triniaeth yn Ysbyty Athrofaol Cymru.

Fe ddigwyddodd y gwrthdrawiad rhwng 19:30 a 20:00 nos Sadwrn yng Nghlôs Moorhead yn Sblot.