Y Bencampwriaeth: Caerdydd 1-1 Fulham
- Cyhoeddwyd
Sgoriodd Josh Murphy ei gôl gyntaf o'r tymor i roi Caerdydd ar y blaen
Bu'n rhaid i Gaerdydd fodloni ar bwynt yn erbyn Fulham er i'r ymwelwyr chwarae'r 20 munud olaf nos Wener gydag ond deg dyn.
Josh Murphy roddodd Caerdydd ar y blaen yn y frwydr rhwng y ddau glwb wnaeth ddisgyn o'r Uwch Gynghrair y tymor diwethaf.
Daeth ei gôl yn dilyn gwrth ymosodiad, gyda phas cywrain Ivan Cavaleiro yn cael hyd i Murphy, wnaeth redeg yn glir cyn ergydio i gefn y rhwyd.
Ond tarodd Aleksandar Mitrovic yn ôl i Fulham i ddod a'r sgôr yn gyfartal.
Roedd Fulham yn mwynhau mwyafrif y bêl wedi'r egwyl cyn i gyn Harry Arter, oedd ar fenthyg i Gaerdydd y tymor diwethaf, gael ei anfon o'r cae ar ôl dau drosedd o fewn dau funud.
Er i Gaerdydd fwynhau goruchafiaeth ar ôl hynny, doedd yna ddim ail gôl i dîm y brifddinas.
Mae'r canlyniad yn golygu fod Caerdydd yn symud i'r 10fed safle yn y Bencampwriaeth.
