Neges yr Urdd: Covid-19 yn cynnig 'deffroad i'r byd'

Mae angen sicrhau nad ydy'r gwersi a ddaw yn sgil argyfwng coronafeirws yn cael eu hanghofio - dyna ydy neges pobl ifanc Cymru.

Fel rhan o Neges Heddwch ac Ewyllys Da yr Urdd eleni, mae'r mudiad ieuenctid yn galw ar arweinwyr y byd i fynd i'r afael â "beiau mawr byd modern".

Daw wrth i'r mudiad lansio ymgyrch fyd-eang sy'n "ddeffroad i'r byd" yn erbyn dychwelyd i rai o arferion "hunanol, dinistriol y gorffennol".

Ar ran 55,000 o aelodau, mae prif weithredwr yr Urdd wedi ysgrifennu at holl arweinwyr gwledydd y G20 i rannu'r neges.