Un person arall yn marw yng Nghymru o Covid-19

Mae un person arall â coronafirws wedi marw yng Nghymru, gan ddod â'r cyfanswm swyddogol i 1,531.

Dangosodd ffigurau Iechyd Cyhoeddus Cymru bod 15 achos newydd, sy'n golygu bod 15,890 o bobl wedi profi'n bositif am Covid-19.

Hyd yma, mae 147,558 o bobl wedi cael eu profi am coronafirws yng Nghymru, gyda 131,668 yn profi'n negyddol.

Mae cyfanswm o 195,821 o brofion wedi'u cynnal, gyda rhai pobl wedi cael eu profi fwy nag unwaith.