Y Cymro Aaron Lewis, 23, yn rhwydo gôl agoriadol Casnewydd
Roedd hi'n fuddugoliaeth swmpus o 4-2 i Gasnewydd yn erbyn Tranmere Rovers ar Rodney Parade ddydd Sadwrn.
Rhoddodd Aaron Lewis y tîm cartref ar y blaen, cyn i Dominic Telford ddyblu'r fantais gyda chic gosb.
Tynnodd Josh Dacres-Cogley un yn ôl i Tranmere, cyn i Finn Azaz a Telford rwydo naill ochr i gôl Mickey Demetriou i'w rwyd ei hun.
Mae Tranmere yn aros yn drydydd er gwaethaf y canlyniad, tra bod yr Alltudion yn mynd yn gyfartal ar bwyntiau gyda Swindon Town yn seithfed.
