Paul Mullin oedd yr arwr ar y Cae Ras ddydd Sadwrn
Rhwydodd Paul Mullin ddwywaith gyda Jordan Davies ac Ollie Palmer hefyd yn sgorio wrth i obeithion Wrecsam o ddyrchafiad gryfhau unwaith eto.
Mullin ddechreuodd y sgorio cyn yr egwyl ar y Cae Ras, cyn i'r Cymro ifanc Davies sgorio ar ôl cic rydd gyflym.
Daeth y drydedd gan Palmer cyn i Mullin ychwanegu ei ail. Giles Phillips sgoriodd gôl gysur i'r ymwelwyr.
Mae Wrecsam yn codi o dri lle i bedwerydd yn y Gynghrair Genedlaethol, tra bod Aldershot yn disgyn i 20fed.
