Dirgelwch diflaniad rhan o arwydd Eisteddfod Tregaron

Arwydd sydd bellach yn dangos 'Istedd'

Mae pedwar o lythrennau o arwydd mawr yr Eisteddfod wedi diflannu o faes y brifwyl yn Nhregaron

Mae dirgelwch yn dilyn diflaniad sawl llythyren o arwydd croeso'r Eisteddfod Genedlaethol.

Mae trefnwyr y brifwyl wedi lansio apêl wedi i'r llythrennau 'E', 'F', 'O', a 'D' ddiflannu dros nos.

Yn ystod cynhadledd i'r wasg fore Sadwrn dywedodd swyddogion "nad oedden nhw'n gwybod dim" am eu diflaniad.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan eisteddfod

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Erbyn hyn mae'r arwydd ger Cerrig yr Orsedd yn arddangos 'ISTEDD' - a fyddai'n wybodus i dafodiaith trigolion lleol.

Cadarnhaodd Betsan Moses, Prif Weithredwr yr Eisteddfod Genedlaethol, bod swyddogion yn ymchwilio i'r sefyllfa.

'Chwalu ystrydebau'

Hefyd yn ystod y gynhadledd daeth cadarnhad bod pwyllgorau lleol wedi casglu cyfanswm o £463,671 tuag at gostau'r ŵyl.

Fe chwalwyd y targed gwreiddiol o £350,000, a gafodd ei godi wedyn i £400,000.

Ydy'r Eisteddfod yn rhy hir? Neu ddim digon hir efallai?

Dywedodd Elin Jones, Cadeirydd Pwyllgor Gwaith y brifwyl eleni, fod hyn wedi "chwalu'r" ystrydeb bod Cardis yn ofalus gyda'u harian.

Ychwanegodd ei gobaith na fydd 30 mlynedd arall yn pasio cyn i'r Eisteddfod ymweld â Cheredigion eto, gyda'i dyhead i'w gweld yn dod yn ôl bob rhyw wyth mlynedd.

Aeth Betsan Moses ymlaen i ddweud na fydd trefnwyr yn gwybod am ddeufis arall os bydd Eisteddfod eleni wedi gallu talu ei chostau hun, ond byddai trafodaethau yn cael eu cynnal gyda Llywodraeth Cymru ynglŷn â chynyddu'r grant blynyddol o'r pwrs cyhoeddus.

Ar hyn o bryd mae'r grant yn talu am oddeutu 12% o gostau cynnal yr ŵyl, ond ei gobaith, meddai, oedd sicrhau ei fod "yn parhau yn fforddiadwy i bobl sydd eisiau ymweld â'r maes" a "dylai diwylliant fod yn agored i bawb".

Pynciau cysylltiedig

Straeon perthnasol