Abarohingya 12 batwawe bariko barahungira Bangladesh
Ahavuye isanamu, Reuters
Abantu 12 bapfuye igihe ubwato bwari butwaye aba islam b'abarohingya bariko barahunga igihugu ca Myanmar bwatwarwa hagufi ya Bangladesh.
Abantu benshi baburiwe irengero inyuma y'iyo mpanuka yabereye mu kiyaga ca Naf ku musi wa mungu.
Bizwi ko abantu 100 harimwo n'abana ari bo bari muri ubwo bwato.
Ibikorwa vyo gutabara biracabandanya.
Abantu benshi bo mu bwoko bw'abarohingya baramaze gutwarwa bariko baragerageza guhungira muri Bangladesh bahunga intambara iriko irabica biracika mu ntara ya Rakhaine.
Ahavuye isanamu, AFP
Igitigiri nyaco c'abantu bari muri ubwo bwato ntikizwi, ariko abakozi bo ku rubibe bo muri Bangladesh bavuga ko bari hagati ya 40 n'ijana.
Abo bakozi bavuga ko ibiziga 10 vy'abana, umupfasoni umwe n'umugabo ariyo imaze kuboneka gushika ubu.
Abantu boba bashika 60 barapfiriye mu mpanuka nkiyo mu kwezi kw'icenda.
