Oscar Pistorius yongererejwe igipfungu incuro zirenga zibiri kubera urupfu rwa Reeva Steenkamp

Sentare ya Afrika y'epfo yaciriye urubanza rwo gupfungwa imyaka 13 n'amezi atanu umunonotsi Oscar Pistorius kubera kwica umukunzi wiwe Reeva Steenkamp.

Abashikirizamanza bavuze ko imyaka itandatu y'igifungo kubera yiwe Reeva Steenkamp "ari gito cane biteye isoni".

Umuvugizi w'umuryango wa Steenkamp yavuze ko urwo rubanza rwashatse kuraba ko habaye ubutungane.

Pistorius yavuze ko yishe Steenkamp ku musi mukuru w'abakundana mu 2013 amwitiranije n'umusuma.

Sentare ntahinyuzwa igisata c'iyungururrizo i Bloemfontein yamusabiye igipfungo c'imyaka n'imiburiburi 15 ku bwicanyi yagize muri Afrika y'epfo, ukuyemwo umwanya yari amaze gupfungwa.

Kubera ingwara, Pistorius ntashobora kuburana

Oscar Pistorius yakatiwe gupfungwa imyaka 6

Sentare y'ntango yasiguye ko yari yamuciriye gupfungwa imyaka itandatu kubera ko yicuza ivyo yakoze.

Uwwo munonotsi ntiyari muri sentare kwumviriza urwo rubanza.