Somalia: Aweys yageze i Mogadishu

Umwe mu bayobozi b'umutwe wa Al Shabab urwanya ubutegetsi muri Somalia, yagejejwe i Mogadishu, ubu akaba ari mu maboko y'ingabo za leta ya Somalia.

Ntibiramenyekana ariko niba Hassan Dahir Aweys yarashyize intwaro hasi akitanga cyangwa niba yarahunze bagenzi be.

Kuwa gatanu umuryango w'abibumbye wavuze ko yishyize mu maboko y'ingabo za leta ariko biza guhakanwa n'abakuru b'amoko yaho.

Bwana Aweys yihishe mu mujyi wa Adado nyuma y'imirwano yabaye hagati y'ingabo zigize umutwe wa Al Shabab mu cyumweru gishize.