CAR: Ingabo z'Uburayi zigenzura ikibuga k'indege

Ingabo zo mu bihugu bigize umuryango w'ibihugu by'Uburayi zatangiye kugenzura umutekano ku kibuga k'indege cy'i Bangui.

Kuri icyo kibuga hari ibihumbi by'abantu bahunze imvururu zishingiye ku madini ziri muri Repubulika ya Centreafurika.

Iki n'icyo gikorwa cya mbere cya gisirikare cy'ingabo z'Uburayi cyemejwe n'umuryango w'abibumbye mu ntangiriro z'uyu mwaka.

Mu basirikare bagera ku 1000 ubu hamaze kugera abagera ku 150.

Bagiye kunganira abasirikare b'ibihugu by'Afurika n'Ubufaransa bamaze amezi bagerageza guhosha imvururu zo muri icyo gihugu.