US : Imvururu i Missouri zabaye mbi kurusha izambere

Umuyobozi w'ishami rya ONU ryita ku burenganzira bwa muntu yavuze ko ababajwe cyane n'umubare w'urubyiruko rw'abanyamerika b'abanyafurika baguye mu mirwano yaraye ibaye n'igipolisi.

Zeid Ra'ad Al Hussein yabivuze nyuma y'ijoro ryaranzwe n'imirwano mu mujyi wa Ferguson, i Missouri muri Amerika.

Ibyo byabaye abaca urabanza batabyigiye bita grand jury bamaze kwemeza ko umupolisi w'umuzungu warashe Michael Brown, umusore w'umwirabura utarufite ibirwanisho, atagomba gukurikiranwa.

Umukuru w'igipolisi cy'i St Louis, Jon Belmar, yavuze ko imvururu zabaye i Ferguson arizo zibaye mbi kurusha izabaye kuva aho Michael Brown yiciwe mu kwezi kwa 8.

Yavuze ko abigaragambya barashe amasasu 150.

Abantu barenga 60 bakaba batawe muri yombi.

Amaduka yasahuwe, imodoka n'amazu biratwikwa.