Arsene Wenger akomeje kunengwa n'abafana

Umutoza wa Arsenal akomeje kwotswa igitutu n'abakunzi b'iyi kipe bamusaba kwegura kubera umusaruro muke.

Nyuma yo gutsindwa ibitego 3-0 na Stoke City ku wa gatandatu, amajwi yongeye kuba menshi asaba uyu mufaransa gusezera nubwo ari mu batoza beza mu Bwongereza.

Wenger kandi yari aherutse kunengwa n'abafana mu mukino ikipe ye yatsinze West Brom 1-0.

Nubwo Arsene Wenger ataragira icyo atangaza kuri icyo cyifuzo cy'abamwe mu bafana, aracyafite uburyo bwo kuba yabanezeza igihe yashobora gutsinda ikipe ya Galatasaray kuri uyu wa kabiri mu mikino y'igikombe cy'Uburayi.

Uyu mwaka nibwo Arsenal yongeye gukoza intoki ku gikombe yegukana igikombe cya FA CUP nyuma y'imyaka 9 yari ishize nta gikombe.

Iyi kipe ubu iri ku mwanya wa gatandatu muri shampiyona