An dade ana ba hammata iska a majalisar wakilai ta Najeriya
Ba hammata iska dai na neman zama ruwan dare a majalisun dokokin Najeriya.
Irin wannan damben yakai ga rasa rayuka a majalisun Najeriyar, abinda yasa lamarin ke kara jan hankulan jama'a.
Na baya bayan nan shi ne rikicin da ya barke lokacin da wasu daga cikin 'yan majalisar suka yi kokarin gabatar da kudurin neman tsige kakakin majalisar Dimeji Bankole.
Lamarin da yakai ga jiwa wasu daga cikin 'yan majalisar raunuka, ciki kuwa har da mace.
Abin tambaya anan shi ne wai shin 'yan majalisun na yin damben ne domin kare hakkokin wadanda suka zabe su, ko kuma don biyan bukatun su.
Wannan shi ne batun za mu tattauna a filin mu na ra'ayi riga na wannan makon.
Sai ku aiko mana da ra'ayin kodai ta e-mail wato hausa@bbc.co.uk ko ta wannan lambar waya 447786202009 ko ta dandalin mu na wuhawara bbchausa Facebook wanda za ku iya samu a shafinmu na Intanet wato bbchausa.com. Ko kuma ta hanyar cike wannan gurbin.
Tuntube mu
* Yana nufin guraben da dole a cike su.
