Amurka: Trump ya yi alwashin bayyana rahoton kutsen kasar Russia
Asalin hoton, Reuters
Donald Trump ya yi alkawrin bayyana sakamakon bincike cikin kwanaki 90, kan zargin da ake yiwa kasar Russia na yin kutse lokacin yakin neman zaben shugaban kasa a Amurka.
Shugaban Amurka mai jiran gadon ya bayyana a shafin shi na Twitter cewa: ''Wannan shaci-fadin masu son cimma burin siyasa ne''
Hukumomin leken asirin Amurka sun zargi Rasha da yin katslandan a harkar zaben ta hanyar yin kutsen bayyanan jam'iyyar.
Suna cewa fadar gwamnatin Rasha nada wasu bayanai da ba za a so gani ba game da shugaban Amurka mai jiran gado, Donald Trump.
A ranar Alhamis ne shugaban mai jiran gado ya ce daraktan hukumar leken asiri James clapper, ya kira shi don yin " watsi da rahotanin karyar" wanda aka watsa zuwa kafofin yada labarai a baya a cikin makon nan.
Mr Clapper ya ce, ya shaidawa Mr Trump cewa har yanzu ba a yanke hukunci kan sahihancin rahotonnin ba.
Ya kuma musanta zargin da ake yi wa hukumar leken asirin cewa ita ta kwarmata bayanan ga jama'a.
