'Tattalin arzikin duniya na tsaka-mai-wuya'

Karanta rubutu kawai domin rage cin data
Taron tattalin arziki na duniya ya ce har yanzu tattalin arzikin duniyar na cikin matsala

Asalin hoton, Reuters

Bayanan hoto, Taron tattalin arziki na duniya ya ce har yanzu tattalin arzikin duniyar na cikin matsala
An wallafa

Wani rahoto da taron tattalin arziki na duniya ya fitar, ya yi gargadin cewa har yanzu tattalin arzikin duniya na kan siradin fadawa cikin matsala, shekara 10 bayan matsalar da ya shiga.

Rahoton ya ce, bankuna ba su gama farfadowa ba, kuma manyan bankuna na duniya har yanzu suna da karfin da bai kamata a barsu su durkushe ba.

Kazalika rahoton, ya gano wasu sabbin hadurran da ke tattare da harkokin kasuwanci inda ake samun karuwar bayar da basuka a China da India.

Sannan kuma ga yadda faduwar farashin kayayyaki ke shafar bankuna a yankin Latin Amurka da Afirka.