Yadda aka kirkiro kidan BBC Hausa
An wallafa
Shin wane ne ya yi gogen nan da ake bude shirin rana da na yamma da shi a tashar rediyon BBC Hausa?
Wannan ita ce tambayar da wani tsohon ma'aikacinmu Muhammad Ibrahim (Makaman Ringim) ya amsa mana a shirinmu na Amsoshin Takardunku na wannan mako.
Ya ce wani mai goge wanda ake kiransa Lauri Katsina ne ya kirkire shi a lokacin Yakin Duniya na Biyu.
An fara amfani da shi ne tun lokacin da aka bude kafar yada labarai ta BBC Hausa a watan Maris din shekarar 1957.
Latsa alamar lasifika a jikin hoton da ke sama don sauraron cikakken karin bayanin da tsohon ma'aikacinnamu ya yi:
