Sai gobe!
Jama'a, abun da ya samu kenan a jerin rahotannin wasannin da muke kawo muku kai-tsaye a wannan shafin a yau. Ku ci gaba da kasancewa da BBC Hausa.
Yadda ake cinikin kasuwar 'yan kwallon Turai
Labaran wasanni kan wainar da ake toyawa a kasuwar musayar 'yan kwallo ta nahiyar Turai, da ma sauran abubuwan da ke gudana a duniyar wasanni ranar Litinin, 28 ga watan Agustan 2017.
Rahoto kai-tsaye
Abdulwasiu Hassan
Birminghan ta dauki aron dan Chelsea
Kungiyar kwallon kafa ta Birmingham City ta dauki aron dan wasan tsakiyar Chelsea, Jeremie Boga, na kaka daya.
Dan wasan dan asalin kasar Ivory Coast, ya shafe shekara biyu da ya wuce a Rennes da Granada a zaman aro.
Asalin hoton, Getty Images
Siem de Jong ya sake komawa Ajax daga Newcastle
Ajax ta sake sayan dan wasan tsakiyar kasar Netherlands, Siem de Jong, daga Newcastle kan kudin da rahotanni suka ce ya kaifam miliyan 4.
Dan wasan mai shekara 28 ya koma Magpies ne daga Ajax a shekarar 2014 kan kudin da ba a bayyana yawanshi ba a wata yarjejeniyar shekara shida, amman ya yi ta fama da raunuka, ciki har da ciwon huhu. Ya buga wasanni 26, yawancinsu a matsayin wanda ya canji wani dan wasa, amman ya buga wasa sau 23 a lokacin ya je wasan aro a PSV Eindhoven a kakar bara.
Asalin hoton, Getty Images
An yi wa shugaban Barcelona ihu
Bikin gabatar da sabon dan kwallon da Barcelona ta saya, Ousmane Dembele ya ci karo da cikas, bayan da magoya bayan kungiyar suka yi ta rera wakokin neman shugabanta ya yi ritaya.
Dembele mai shekara 20, ya zama na biyu da aka saya mafi tsada a tarihin tamaula a duniya kan fam miliyan 135.5, bayan Neymar wanda ya koma Paris St Germain da murza-leda kan fam miliyan 200.
Bikin ya ci karo da cikas bayan da aka yi jinkirin sa'a biyu, sakamakon rashin samun takardun rijistar dan kwallon daga Dortmund.
A lokacin ne magoya bayan Barcelona 18,000 suka rinka busa usur da rera wakokin cewar Bartomeu ya yi ritaya.
Asalin hoton, Getty Images
Bayanan hoto, A bana ne Real Madrid ta doke Barcelona 5-1 gida da waje a Spanish Super Cup Messi ya ci kwallo sama da 350 a La Liga
Dan wasan Barcelona da tawagar kwallon kafa ta Argentina Lionel Messi ya ci kwallo sama da 350 a gasar La Liga.
Dan wasan ya ci 349 kafin ya kara biyu a karawar da Barcelona ta ci Deportivo Alaves 2-0 a ranar Asabar a wasan mako na biyu a gasar ta La Liga a ranar Asabar.
Messi ya zama na biyu da ya fi cin kwallaye da yawa a kungiya daya tsakanin manyan gasar kwallon kafa ta Turai, bayan Gerd Muller da ya ci wa Bayern Munich kwallo 365.
Cikin kwallo 351 da ya ci a La Liga, guda 274 da kafar hagu ya ci sannan ya zura 63 a raga da kafar dama, kuma 14 da kai ya ci su.
Messi ya ci Espanyol a kakar wasan 2007 da hannu, an kuma karbi kwallon a cikin wadanda ya ci da kai.
Asalin hoton, Getty Images
Las Palmas na neman dan wasan Chelsea
Kungiyar kwallon kafa ta Las Palmas da kungiyar Cagliari suna neman dan wasan gaban Chelsea, Loic Remy, mai shekara 30, in ji jaridar Daily Mail.
Asalin hoton, Getty Images
Chelsea za ta sake taya Llorente
Chelsea za ta sabunta sha'awarta ta dan wasan gaban Swansea, Fernando Llorente, mai shekara 32, ta hanyar taya shi dai-dai lokacin da kungiyar take neman sayan akalla 'yan wasa uku kafin a rufe kasuwar musayar 'yan wasa, in ji jaridar Independent.
Asalin hoton, Getty Images
Conte na son Chelsea ta kara karfi
Kociyan Chelsea, Antonio Conte, ya ce Blues na bukatar kara 'yan wasa domin kara wa kulob din karfi.
Ya ce kungiyar na iya kokarinta na kara 'yan wasa.
Asalin hoton, Getty Images
Nawa kudin Mayweather a yanzu?
Bayan Floyd Mayweather ya doke Conor McGregor a damben boksin da suka yi karshen mako, kudin dan bamben ya kai akalla fam miliyan 450, in ji jaridar Mirror.
Asalin hoton, Instagram/ Mayweather
Borussia Dortmund ta sayi Yarmolenko
Borussia Dortmund ta sayi dan wasan gaban Dynamo Kiev dan asalin Ukraine, Andriy Yarmolenko kan kudin da ba a bayyana ba a wata yarjejeniyar shekara hudu.
An bayyana zuwan dan shekara 27 din ne wasu mintuna kafin Barcelona ta bayyana cewar tsayi dan wasan gaban Dortmund, Ousmane Dembele, a wata yarjejeniyar fam miliyan 135.5.
Asalin hoton, Getty Images
Liverpool ta sayi Naby Keita
Liverpool ta sayi dan wasan tsakiyar Leipzig, Naby Keita, kuma dan wasan zai fara taka wa Reds leda ne ranar 1 ga watan Yulin shekarar 2018.
Keita na cikin 'yan wasan da kociya Jurgen Klopp yake nema.
Kudin yarjejeniyar sayan dan wasan ya fi fam miliyan 35 da Liverpool ta biya wajen sayan Andy Carroll daga Newcastle .
Asalin hoton, Getty Images
PSG ta cimma yarjejeniyar aron Kylian Mabappe
Paris St-Germain ta cimma yarjejeniyar aron dan wasan gaban Monaco mai shekara 18, Kylian Mbappe, da zabin sayanshi kan kudi fam miliyan 166, in ji L'Equipe .
Asalin hoton, Getty Images
Barca ta sayi Dembele
Barcelona ta kammala sayan dan wasan gaban Borussia Dortmund, Ousmane Dembele, kan kudi fam miliyan 96.8, kuma za a iya kara kudin zuwa fam miliyan 135.5.
San wasan dan Faransa mai shekara 20 ya rattaba hannu kan yarjejejniyar shekara biyar a Nou Camp tare da jagoran kungiyar, Josep Maria Bartomeu ranar Litinin.
Yarjejeniyar ita ce ta biyu a tsada a fagen tamaula bayan wadda Neymar ya rattaba wa hannu kan kudi fam miliyan 200.
Asalin hoton, Getty Images
'Mene ne amfanin zaman Sanchez a Arsenal?'
Tsohon dan wasan gaban Arsenal, Thierry Henry, ya nuna tababa game da daililin da ya sa dan wasan gaban Chile, Alexis Sanchez, zai ci gaba da zama a Gunners bayan Liverpool ta lallasa Arsenal din 4-0 . Dan wasan mai shekara 28 yana da sauran shekara daya a kwantiraginsa kuma an alakanta shi da komawa Manchester City, in ji Sky Sports.
Asalin hoton, Getty Images
Napoli na son mai tsaron gidan Liverpool
Kungiyar kwallon kafa ta Napoli na hakon mai tsaron gidan Liverpool,Simon Mignolet, mai shekara 29, in ji Gianluca Di Marzio.
Asalin hoton, Getty Images
West Brom ta taya dan wasan Fenerbache
West Brom ta yi wa Fenerbache tayin fam miliyan 10 kan dan wasanta mai shekara 28, Josef de Souza, da aka fi sani da Souza, tare da tambaya game da dan wasan bayan Bournemouth, yrone Mings, mai shekara 24, jaridar Daily Mail.
Asalin hoton, Getty Images
Mustafi na shirin barin Arsenal
Dan wasan bayan Arsenal, Shkodran Mustafi, yana shirin barin Gunners domin komawa Inter Milan shekara daya kacal bayan dan wasan na Jamus, mai shekara 25, ya koma Arsenal daga Valencia kan kudi fam miliyan 35, in ji ESPN.
Asalin hoton, Getty Images
Zamalek ta yi sabon kociya
Kungiyar kwallon kafa ta Zamalek da ke Masar ta fitar da sanarwar cewar Montenegrin Nebojsa Jovovic ya rattaba ahannu kan yarjejeniyar shekara biyu a matsayin kociya.
Kociyana ya maye gurbin dan kasar Portugal, Augusto Inacio wanda ya bar kulob din a watan Ylulin bayan ya shafe kasa da wata hudu yana jagorancin kungiyar .
Asalin hoton, Getty Images
Bayanan hoto, Nebojsa Jovovic ne ya jagoranci kungiuyar Al Faisaly ta Jordan zuwa wasan karshe na cin kofin larabawa a farkon watannan 'Liverpool za ta sayi Chamberlain'
Kungiyar kwallon kafa ta Liverpool ta tashi tsaye kan batun neman Oxlade-Chamberlain, wanda ake ganin ya fi son ya koma Chelsea, kamar yadda jaridar Sunday Mirror ta ruwaito.
Arsenal tana shirin sayen dan kwallon Real Madrid, Marco Asensio, a kan fam miliyan 75 gabanin rufe kasuwar saye da sayar da 'yan wasan Turai ranar Alhamis, in ji jaridar Sunday Express.
Asalin hoton, Getty Images
Kociyan West Ham na tsaka-mai-wuya
Kociyan West Ham United, Slaven Bilic, yana kokarin kare aikinshi bayan ya kasa samun maki ko daya a wasanni uku na farko da ya yi a gasar Firimiya, in ji jaridar Sun.
Asalin hoton, Getty Images
