Yadda hawan Arfa ya gudana

Kimanin Musulmi miliyan biyu ne daga sassan duniya daban-daban suka hau Arfa wanda shi ne ginshiki a aikin hajji wanda ke gudana a kasar Saudi Arabia.

Rahoto kai-tsaye

Umar Rayyan

31 Agusta 2017A sha ruwa lafiya
Ana muka kawo karshen labaran da muke kawo muku a wannan shafi, sai an jima, mun gode.
31 Agusta 2017Hotunan muhimman wuraren da ake gudanar da aikin Hajji
Za ku ina samun cikakkun hotunan wuraren idan kuka latsa nan.
Asalin hoton, GETTY IMAGES
Bayanan hoto, Wannan shi ne dutesn Hajrul Aswad da ke jikin Ka'aba wanda ake so duk Musulmi ya sumbace shi da zarar ya shiga harabar masallacin gabanin ya fara dawafi.
Asalin hoton, Getty Images
Bayanan hoto, Muna nan ne ainihin wajen da alhazai ke tafiya a ranar 8 ga watan Zul Hijjah don gudanar da aikin Hajji inda su kan shafe tsawon kwana hudu zuwa biyar. Waje mai matukar girma da aka gina tantuna don zaman alhazai.
Asalin hoton, GE
Bayanan hoto, Wajen jifan Shaidan da aka fi sani da jamrah na daga cikin wuraren ibada masu muhimmanci lokacin aikin hajji.
31 Agusta 2017Wata hajiya 'yar Nigeria ta haihu a Madinah
Wata hajiya 'yar Najeriya ta haihu a birnin Madina ranar Laraba, kamar yadda Shugaban hukumar alhazan kasar NAHCON Abdullahi Mukhtar ya tabbatar wa BBC.
Mahajjaciyar ta fito ne daga jihar Kogi, amma hukumar ba ta bayyana sunanta ba da kuma abin da ta haifa.
Asalin hoton, Getty Images
31 Agusta 2017Jami'an tsaro suna shirin ko ta kwana a Muzdalifah
Jami'an tsaro suna cikin shirin ko ta kwana a Muzdalifah wurin da mahajjata za su yada zango idan suka baro filin Arafa.
Hoto daga Saudi Gazette
Asalin hoton, Saudi Gazette
31 Agusta 2017Kamfanin DHL ya raba wa mahajjata 200,000 lema kyauta
Kamfanin aikewa da sakonni na DHL reshen kasar Saudiyya ya raba wa mahajjata fiye da 200,000 lema kyauta, don su yi amfani da su yayin aikin hajjin bana.
Adadin ya ninka wanda ya bayar a bara.
A raba lemomin ne a Mina da kuma filin Arafat.
Asalin hoton, Saudi Gazette
31 Agusta 2017Mahajjata sun isa masallacin Nimrah
Mahajjata sun isa masallacin Nimrah da ke Arafat, inda Shekih Emad Baqree zai jagorancin sallar Azahar da La'asar.
Hotuna daga Saudi Gazette
Asalin hoton, Saudi Gazette
Asalin hoton, Saudi Gazette
31 Agusta 2017Yadda ake sanyaya Jamarat
Yadda ake amfani da na'urar zamani wajen sanyaya Jamarat wurin da za a yi jifan shedan gobe Juma'a.
Bidiyo daga jaridar Saudi Gazette
Bayanan bidiyo, Yadda ake sanyaya Jamarat inda ake jifan shedan
31 Agusta 2017Kalli bidiyon filin Arafa da aka dauka ta sama
Bidiyon filin Arafa wanda aka dauka ta jirgin sama yayin da mahajjata suke ci gaba da tsayuwar Arafa yau Alhamis.
Bidiyo daga jaridar Saudi Gazette
Bayanan bidiyo, Bidiyon mahajjatan masu tsayuwar Arafa da aka dauka ta sama
31 Agusta 2017Abin da ake so wanda bai je hajji ba ya yi
Ana so wadanda ba su samu damar zuwa aikin hajji ba su yi azumi a ranar Arafa.
Hakazalika su ciyar da abinci, kuma su yi sadaka.
Sannan su yi wa Allah godiya, su yi wa 'ya'ya da iyaye addu'a da sauran jama'a baki daya, kamar yadda Sheikh Tijjani Bala Kalarawi ya shaida wa BBC.
Asalin hoton, Getty Images
31 Agusta 2017Abin da ake so mahajjata su yi a yau
Wani malamin addini a Najeriya wanda yanzu haka yana kasar Saudiyya, Ustaz Tijjani Bala Kalarawi, ya shaida wa BBC irin abubuwan da ya kamata mahajja su yi a wannan rana:
Ana so mahajjaci ya rika yin kabbara yana cewa Labbaikallahumma labbaika la sharika labbaika.
Ya yawaita yin istigifari da salatin manzon Allah (SAW) da kuma tasbihi.
Ba a so mahajjaci ya yi azumi a wannan rana.
Har ila yau ba a so gari ya waye mahajjaci bai yi tsayuwar Arafa ba.
Asalin hoton, Getty Images
31 Agusta 2017Ana sauya rigar dakin Ka'abah
A yayin da alhazai ke tsayuwar arfah a Makkah, ana can ana sauya rigar dakin Ka'abah da ake kira da Kiswah wanda ake yi duk shekara a daidai wannan lokaci. http://saudigazette.com.sa/article/516322/SAUDI-ARABIA/Holy-Kaaba
Hotuna daga Saudi Gazette
Asalin hoton, Saudi Gazette
Asalin hoton, Saudi Gazette
Asalin hoton, Saudi Gazette
Asalin hoton, Saudi Gazette
31 Agusta 2017Alhazan Nigeria bakwai sun rasu
Alhazan Nigeria bakwai sun rasu a Saudiyya, kamar yadda hukumar alhazan kasar ta bayyana.
Hukumar ta ce mahajjatan sun fito ne daga jihohin Kwara, da Katsina da Kogi da kuma Kaduna.
Sai dai hukumar ba ta yi karin haske ba kan abin da ya yi ajalinsu da kuma sunayensu ba.
Akalla akwai 'yan kasar kimanin 90,000 da suka halarci aikin hajjin bana.
Asalin hoton, Getty Images
31 Agusta 2017An tsaurara matakan tsaro a Makkah
Dubban jami'an tsaro ne suke sintiri yayin da mahajjata suke tsayuwa a filin Arafat.
Akwai babura da motoci da kuma jiragen sama masu saukar ungulu wadanda ake amfani da su wajen tafiyar da aikin samar da tsaro.
Rahotanni sun ce al'amura na tafiyaa cikin kwanciyar hankali.
Asalin hoton, Getty Images
31 Agusta 2017Kalli bidiyon hawan Arafa
Latsa wannan bidiyon domin kalli hawan Arfa kai-tsaye, daga shafin Facebook na Masjid El Haram Makkah.
31 Agusta 2017Kun san wanda zai ja sallah a filin Arafa?
Ana sa ran Sheikh Sa'ad Shathri ne zai gabatar da Khuduba a Masallacin An Namirah, da ke Arafat. Yayin da shi kuma Sheikh Emad Baqree (ladanin masallacin Al Haram) shi zai kira sallah, inda za a hada sallolin Azahar da La'asar.
Asalin hoton, Haramain
31 Agusta 2017Mahajjata sun fara tsayuwar Arafa
Kimanin mahajjata miliyan biyu ne suka fara tsayuwar Arfa, wani ginshiki a aikin hajji a ranar Alhamis.
Mahajjatan sun nufi dutsen Arfa ne bayan sun kwana a Mina.
Za su kwashe yinin yau ne a filin Arfa inda za su rika yin addu'o'i da karatun Alkur'ani.
Asalin hoton, Get
31 Agusta 2017Barka da Hantsi
Jama'a barkarmu da saduwa a wannan shafi wanda za mu kawo muku labarai kan al'amuran da suke faruwa a filin Arafa, wurin da Musulmi kimanin miliyan biyu suke tsayuwa a ci gaba da aikin hajjin bana.