An sake dakatar da wasannin ƙwallon ƙafa a Peru

Wannan shafi na kawo muku bayanai kai-tsaye dangane da irin wainar da ake toyawa a fadin duniya musamman batutuwan da suka shafi Najeriya da Nijar da makwabtansu.

Rahoto kai-tsaye

Umar Mikail and Mustapha Musa Kaita

8 Agusta 2020Rufewa
Bayani kan maƙala
- - Marubuci, Mustapha Musa Kaita
  - Sanya sunan wanda ya rubuta labari, Multi-Media Broadcast Journalist
Masu bibiyarmu a wannan shafin a nan muka zo ƙarshen kawo muku labarai da rahotanni kai tsaye, sai kuma gobe Lahadi idan Allah ya kai mu za mu ci gaba da kawo muku wasu labaran.
Ga wasu daga cikin labaran da muka wallafa a wannan shafin.
- Ana bincike kan hatsarin jirgin da ya shafi mutum 148 a Indiya
- Bankin Duniya zai bai wa Najeriya naira biliyan 43
- Amurka ta damu game da 'taɓaɓarewar' siyasar Jihar Edo
- Yadda ake jefa kuri'a a zaɓen cike gurbi a Jihar Nasarawa
- Juventus ta kori kocinta Maurizio Sarri
- 'Yan Najeriya 398 sun koma gida daga ƙasashen waje ranar Asabar
Za ku iya duba ƙasa domin karanta waɗannan labaran da ma wasu muhimmai
8 Agusta 2020An sake dakatar da wasannin ƙwallon ƙafa a Peru
An sake dakatar da kakar wasan kwallon ƙafa a Peru , kwana ɗaya bayan an dawo wasan.
An ɗauki wannan matakin ne sakamakon yadda 'yan kallo suka ƙi bin dokokin korona inda suka ƙi bayar da tazara a tsakani.
Dubban magoya bayan kulob ɗin Universitario suka yi fitar farin ɗango a ƙasar a ranar Juma'a kafin buga wasan su na farko tun bayan da aka dakatar da ƙwallon ƙafa a ƙasar watanni biyar da suka gabata.
Wannan ne ya sa gwamnatin ƙasar ta shiga lamarin sakamakon fiye da mutum dubu 20 da suka mutu a ƙasar sakamakon wannan cuta.
Ƙasar Peru ita ce ta uku a yawan masu korona a yankin Latin Amurka bayan Brazil da Mexico.
8 Agusta 2020Abhishek, ɗan gida Amitabh Bachchan ya warke daga korona
Ɗaya daga cikin fittatun jaruman fina-finan Indiya Abhishek Bachchan, ya ce an sallame shi daga asibiti bayan an yi masa gwaji an tabbatar da cewa ya warke da cutar korona da ya kamu da ita tun a watan da ya gabata.
Abhishek, ya wallafa a shafinsa na Twitter cewa, yana mai matuƙar godiya ga ma'aikatan asibitin da ya kwanta shi da iyalansa na Nanavati da ke Mumbai saboda irin kulawar da suka basu a lokacin da suke kwance a asibitin.
A makon da ya wuce ne aka sallami mahaifin Abhishek wato Amitabh Bachchan daga asibiti bayan an tabbatar da shi ma ya warke daga cutar koronar da ya kamu da ita.
Kazalika matarsa Aishwarya Rai da 'yarsa ma duk a kwanakin baya aka sallame su daga asibitin bayan sun warke daga cutar.
8 Agusta 2020Labarai da dumi-dumi, Cutar korona 'ta kashe Sanatan Najeriya Kashamu'
Tsohon sanata mai wakiltar Ogun ta gabas a Najeriya Buruji Kashamu ya mutu.
Sanata Ben Murray-Bruce ne ya tabbatar da mutuwar abokin nasa a shafinsa na Twitter inda ya ce cutar korona ce ta kashe tsohon sanatan.
A saƙon da ya wallafa, ya ce Sanata Kashamu ya mutu ne a asibitin First Cardiology Consultants, wanda a asibitin ne Tsohon Shugaban Ma'aikatan Fadar Shugaban Najeriya Abba Kyari ya mutu.
Kafin mutuwar Sanata Kashamu, ya kasance ɗan majalisar dattijai mai wakiltar Ogun ta gabas.
Kauce wa X
Ya kamata a bar bayanan X?
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Gargadi: BBC ba za ta dauki alhakin bayanan da aka wallafa a shafukan da ba nata ne ba.
Karshen labarin da aka sa a X
8 Agusta 2020Yunwa da ƙishin ruwa sun kashe fursunoni 40
Wani bincike a Chadi ya gano cewa fursunoni 40 da suka mutu a farkon shekarar nan sun mutu ne sakamakon rashin kyakyawan yanayi.
A kwanakin baya dai hukumomi na zargin cewa an basu guba ne, sai dai binciken da aka gudanar a halin yanzu ya nuna cewa kishin ruwa da yunwa da zafi ne ya yi sanadiyar mutuwar ta su.
Fursunonin suna daga cikin mutum 58 da aka tsare ake zarginsu da zama 'yan Boko Haram.
Sai dai wani fitaccen ɗan kare haƙƙin bil adama a ƙasar ya musanta cewa mutanen 'yan Boko Haram ne, inda ya ce fararen hula ne kawai da aka kama bisa wani laifi da aka yi musu ƙage a kai.
8 Agusta 2020Jirgi na uku daga Saudiyya ɗauke da kayan agaji ya isa Beirut
Asalin hoton, Saudi Gazette
Jirgi na uku daga Saudiyya ya isa Lebanon ɗauke da kayan agaji da suka haɗa da abinci da magunguna.
Wannan na zuwa ne kwanaki kaɗan bayan da aka samu fashewar sinadarai a Beirut babban birnin ƙasar inda sama da mutum 150 suka mutu, kusan mutum 5,000 kuma suka jikkata.
Jaridar Saudi Gazette ta ruwaito cewa jirigin ya isa Beirut kuma yana ɗauke da kayayyakin agaji da magungunan rage raɗaɗin ciwo da kuma na kashe ƙwayoyin cuta, da kayayyakin kariya da takunkumi da katifu da barguna da kayan kitchen da dai sauran kayayyaki.
Saudiyya na daga cikin ƙasashen da suka sha alwashin taimaka wa ƙasar ta Lebanon bayan afkuwar wannan lamari.
8 Agusta 2020Ma'aikatan lafiya mata na yajin aiki a Indiya
Dubban ma'aikatan lafiya mata da ke kan gaba wurin yaƙi da cutar korona a Indiya sun fantsama yajin aiki na kwanaki biyu.
Ma'aikatan lafiyar na kira ne da a samar musu da kayayyakin kariya da za su riƙa amfani da su domin kare kansu daga cutar korona yayin da suke gudanar da ayyukansu.
Akasari matan, na gano masu cutar korona da kuma bin diddiƙin waɗanda ya kamata a killace tare da ajiye bayanai a kansu.
A baya da, ana ganin matan tamkar masu aikin sa kai inda suke samun kudi ƙalilan domin taimakawa.
Akwai rahotanni da ke cewa wasu daga cikinsu sun mutu bayan sun kamu da cutar, wasu daga cikinsu kuma sun bayyana cewa ana cin zarafinsu
8 Agusta 2020Dubban 'yan Lebanon na zanga-zangar ƙin jinin 'yan siyasar ƙasar
Asalin hoton, Reuters
Dubban 'yan Lebanon ne suka hau tituna a fusace kan jagororin siyasar ƙasar kwana huɗu bayan gagarumar fashewar da ta jawo asarar ran mutum 154 a Beirut, babban birnin ƙasar.
Wasu masu zanga-zangar sun yi arangama da 'yan sanda.
Fashewr sinadaran da ta faru ranar Talata ta lalata wasu sassan birnin kuma ta jawo ɓacin rai game yadda 'yan ƙasa suka yi wa 'yan siyasa tambarin cin hanci da rashawa.
Gwamnati ta yi alƙawarin gano waɗanda ke da hannu a lamarin, wadda ta faru sakamakon fashewar sinadarin ammonium nitrate da ake haɗa takin zamani da kuma bam da shi.
Sai dai akwai tsananin rashin yarda da gwamnati tsakanin 'yan ƙasar, inda a watan Oktobamn da ya wuce aka fara wata zanga-zangar ƙin jinin gwamnati game taɓarɓarewar tattalin arziki da kuma faɗuwar darajar kuɗin ƙasar.
An fatattaki wasu ministoci da suka yi yunƙurin ziyartar wurin da abin ya faru.
8 Agusta 2020'Yan Najeriya 398 sun koma gida daga ƙasashen waje ranar Asabar
Asalin hoton, NIDCOM
'Yan Najeriya mazauna ƙasashen waje 87 ne suka sauka a filin jirgin saman Nnamdi Azikiwe da ke Abuja, babban birnin ƙasar ranar Asabar.
Har wa yau wasu 311 sun sauka a Abujar daga Daular Larabawa wato UAE da ƙarfe 11:50. Jumillar 'yan Najeriya da aka kwaso daga daga UAE sun zama 2,353 kenan, a cewar Hukumar 'yan Najeriya mazauna ƙasashen waje ta NIDCOM.
Hukumomin Najeriya sun ɗebo su ne zuwa gida bayan sun maƙale a ƙasashen sakamakon dokokin kulle da annobar korona ta haddasa, abin da kuma ƙuntata wa baƙi a ƙasashen da ba nasu ba.
NIDCOM ta ce za su killace kansu na tsawon mako biyu kamar yadda doka ta tanada.
Kazalika akwai wasu 'yan Najeriyar da za su koma gida daga birnin Landan na Birtaniya a yau Asabar, inda ake sa ran saukarsu da misalin ƙarfe 06:00 agogon Najeriya.
Kauce wa X, 1
Ya kamata a bar bayanan X?
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Gargadi: BBC ba za ta dauki alhakin bayanan da aka wallafa a shafukan da ba nata ne ba.
Karshen labarin da aka sa a X, 1
Kauce wa X, 2
Ya kamata a bar bayanan X?
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Gargadi: BBC ba za ta dauki alhakin bayanan da aka wallafa a shafukan da ba nata ne ba.
Karshen labarin da aka sa a X, 2
8 Agusta 2020Juventus ta kori kocinta Maurizio Sarri
Asalin hoton, Getty Images
Ƙungiyar ƙwallon ƙafa ta Juventus ta sallami mai horarwarta Maurizio Sarri bayan kakar wasa ɗaya kacal.
Sarri ya jagoranci Juventus lashe kofin Serie A na tara a jere amma Lyon ta cire su daga Champions League a zagayen 'yan 16 a daren Juma'a.
- 'Ronaldo ya yi iya abin da zai iya a Champions League'
- An yi waje da Real Madrid da kuma Juventus
Juve ce ta cinye wasan da ci 2-1 a birnin Turin amma Lyon ce ta yi gaba sakamakon ƙwallon da ta zira a gidan Juve.
Sarri ɗan Italiya mai shekara 61, an naɗa shi ne kan yarjejeniyar shekara uku bayan ya shekara ɗaya a Chelsea.
8 Agusta 2020Yadda ake jefa kuri'a a zaɓen cike gurbi a Jihar Nasarawa
Hukumar INEC ta wallafa hotunan yadda zaɓe ke gudana a yau a Jihar Nasarawa da ke tsakiyar Najeriya.
Ana jefa ƙuri'a ne a zaɓen sanata mai wakiltar mazaɓar Nasarawa ta Tsakiya.
Asalin hoton, INEC
Asalin hoton, INEC
Asalin hoton, INEC
Asalin hoton, INEC
8 Agusta 2020Ronaldo ya yi iya abin da zai iya a wasan jiya - 'Yar uwarsa Elma
Asalin hoton, Elma
'Yar uwar Cristiano Ronaldo ta yi ƙoƙarin lallaɓa magoya bayan ƙungiyar Juventus bayan tauraron ɗan uwan nata ya gaza taimaka wa ƙuniyar shiga zagayen gaba a gasar Champions League a daren jiya.
Zakarun na Italiya sun yi waje daga gasar ne duk da cewa Ronaldo ne da kansa ya ci mata ƙwallo biyun da ta doke Lyon da 2-1. Lyon ce ta fara cinye Juve a Faransa 1-0 a wasan farko na watan Maris.
Tun a minti na 12 Memphis Depay ya ci wa Lyon bugun finareti kafin Ronaldo ya ci nasa finaretin a minti na 43 sannan ya ƙara ta biyu daga wajen yadi na 18 a minti na 60.
Tun bayan da ya koma Juve daga Real Madrid shekara biyu da suka wuce, Ronaldo ne ya ci ƙwallo duka bakwai da Juve ta ci a zagayen 'yan 16 na Champions League.
'Yar uwarsa mai suna Elma ta ce ɗan uwanta na buƙatar ƙarin goyon baya da tallafi daga abokan wasansa idan har suna so ya sake lashe kofin a karo na shida.
"Ka fi sauran ƙoƙari ɗan uwana. Ian alfaharin ganinka kana taka leda da kuma jajircerwarka, amma duk da haka ba za ka iya yin komai kai kaɗai ba," Elma ta wallafa a shafinta na Instagram.
"Ka san haka ƙallo take, ya kamata ka tuna cewa ka yi iya abin da za ka iya kuma har yanzu kai ne gwarzo a duniya."
Kauce wa Instagram
Ya kamata a bar bayanan Instagram?
Wannan labari ne na dauke da bayanai da Instagram suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta Instagram da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Gargadi: BBC ba za ta dauki alhakin bayanan da aka wallafa a shafukan da ba nata ne ba.
Karshen labarin da aka sa a Instagram
8 Agusta 2020Amurka ta damu game da 'taɓaɓarewar' siyasar Jihar Edo
Asalin hoton, Nigeria Presidency
Ofishin jakadancin Amurka a Najeriya ya bayyana damuwa game da "taɓaɓarewar siyasar Jihar Edo", wadda hukumar INEC ke shirin gudanar da zaɓen gwamna a watan Satumba.
"Amurka ba ta ji daɗin abubuwan da 'yan siyasa (a Edo) ke aikatawa ba," a cewar wata sanarwa da ofishin ya wallafa a shainfsa na Twitter ranar Juma'a.
Sanarwar ta ƙara da cewa Amurka za ta tallafa wa Najeriya wurin tabbatuwar dimokuraɗiyya "matuƙar dai za a riƙa bai wa talakawan Najeriya waɗanda suka zaɓa".
Jijiyoyin wuya sun fara tashi a Jihar Edo da ke Kudu maso Kudancin Najeriya ne bayan rantsar da mambobin majalisar dokokin jihar su 14, waɗanda suka yi yunƙurin karɓe ikon majalisar.
A watan Satumba mai zuwa ne za a gudanar da zaɓen gwamna a jihohin Edo da kuma Ondo.
Amurka ta ce tana kallon Najeriya a matsayin "uwa a Afirka" sannan ta yi kira ga masu ruwa da tsaki ciki har da hukumar zaɓe da su tabbata an yi zaɓen adalci kuma mai cike da zaman lafiya.
Kauce wa X
Ya kamata a bar bayanan X?
Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.
Gargadi: BBC ba za ta dauki alhakin bayanan da aka wallafa a shafukan da ba nata ne ba.
Karshen labarin da aka sa a X
8 Agusta 2020Bankin Duniya zai bai wa Najeriya naira biliyan 43
Asalin hoton, Getty Images
Bankin Duniya ya amince ya bai wa Najeriya tallafin dala miliyan 114.28 - kwatankwacin naira biliyan 43 - domin yaƙi da annobar korona musamman a matakin jihohi, a cewar rahoton kamfanin dillancin labarai na NAN.
A cewar wata sanarwa da bankin ya fitar ranar Juma'a, dala miliyan 100 za ta fito ne daga ƙungiyar International Development Association (IDA), sai kuma miliyan 14.28 da za ta fito daga sashen Pandemic Emergency Financing Facility.
Ta ce Gwamnatin Tarayyar Najeriya za ta bayar da lamuni ga jihohi 36 na ƙasar ciki har da Abuja ta hanyar tsarin yaƙi da annobar da aka yi wa laƙabi da COVID-19 Preparedness and Response Project (CoPREP).
Ta ƙara da cewa shirin zai taimaka matuƙa a matsayin ɗaukin gaggawa da zai daƙile bazuwar cutar a tsakanin al'umma.
Wakilin Bankin Duniya a Najeriya, Mista Shubham Chaudhuri ya ce: "Najeriya ta duƙufa wurin daƙile yaɗuwar annobar korona, sai dai akwai buƙatar a ƙara ƙaimi sosai musamman a matakin jihohi, waɗanda su ne kan gaba a yaƙi da cutar.
"Shirin zai taimaka wa jihohi da abin da suka fi buƙata na kayan aiki da kuɗi domin ƙarfafa gwiwarsu wurin yaƙi da annobar."
Mutum 45,687 ne suka kamu da cutar korona a Najeriya, 936 daga cikinsu sun mutu sannan 32,637 sun warke.
8 Agusta 2020Iran, China, Rasha na yunƙurin yin maguɗi a zaɓen Amurka mai zuwa
Asalin hoton, Getty Images
Ƙasashen China da Rasha da Iran na cikin ƙasashen da ke ƙoƙoarin yin ƙafar-ungulu ga zaɓen shugaban ƙasar Amurka na watan Nuwamba mai zuwa, a cewar babban jami'in tattara bayanan sirri na ƙasar.
A cewar wata sanarwa da jagoran rundunar tattara bayanan sirri a Amurka ya fitar, ƙasashen waje na yin matuƙar bakin ƙoƙarinsu domin sabauta tsarin zaɓe da kuma yin maguɗi.
Sanarwar ta ce China ba ta son a sake zaɓen Donald Trump karo na biyu, yayin da ita kuma Rasha ke son ta ƙuntata wa ɗan takarar jam'iyyar Democrat, Joe Biden.
Da ma tuni jami'an suka zargi Rasha da yin katsalandan a zaɓen 2016, wanda ya bai wa Trump nasarar zama shugaban ƙasa.
Suka ce Rasha ta so ta ƙarfafa kamfe ɗin Mista Trump ta hanyar yaɗa labaran ƙarya a intanet. Sai dai Rashar ta musanta zarge-zargen.
8 Agusta 2020Ana bincike kan hatsarin jirgin da ya shafi mutum 148 a Indiya
An fara gudanar da bincike kan hadarin jirgin sama da ya faru a jihar Kerala da ke kudancin Indiya.
Ministan sufurin jiragen saman ƙasar ya ce mutum 18 har da matuƙa jirgin biyu sun mutu sannan sama da mutum 120 na asibiti.
Wakiliyar BBC ta ce jirgin ya yi haɗari inda ya rabe gida biyu.
Masu agaji da mutanen yankin sun yi ƙoƙarin kwashe mutanen daga cikin jirgin. Wannan shi ne haɗarin jirgin sama mafi muni a Indiya cikin shekara 10.
Lamarin ya faru ne yayin da jirgin wanda ya taso daga Dubai ɗauke da wasu ma'aikata, ke sauka inda ya zame daga titinsa.
8 Agusta 2020Assalamu Alaikum
Umar Mikail ke wa masu bibiyarmu a wannan shafi barka safiyar Asabar tare da fatan an fara hutun ƙarshen mako lafiya.
Ku biyo mu kai-tsaye domin sanin halin da duniya take ciki musamman a Najeriya da Nijar da Nahiyar Afirka.