Sai gobe
Jama'a, abin da ya samu kenan a shafinmu na labaran wasanni kai tsaye. Sai kuma gobe in mai duka ya kai mu. A kasance da shafinmu na labaran wasanni kai tsaye daga karfe 10.30 agogon Najeriya da Nijar.
Labaran cinikin 'yan wasan kwallon kafa
Labaran wasanni kai tsaye kan wainar da ake toyawa a kasuwar musayar 'yan kwallo ta nahiyar Turai, da ma sauran abubuwan da ke gudana a duniyar wasanni.
Rahoto kai-tsaye
Abdulwasiu Hassan
Crystal palace na son sayan dan mai tsaron gidan Roma
Crystal Palace tana son sayan mai tsaron gidan Roma, Lukasz Skorupski, mai shekara 26,
in ji jaridar Daily Mail.
Asalin hoton, Getty Images
Matic ya ce zai dade a Man Utd
Dan wasan tsakiyar Manchester United, Namanja Matic, ya ce zai dade a kungiyra kwallon kafan da ke saman teburin gasar Firimiya.
Dan wasan da ya ci kyautar gwarzon dan wasa bayan United ta yi gagarumar nasara a wasanta na farko a gasar Firimiya, ya ce ya ji dadin yadda takwarorinsa na United suka karbe shi hannu bibbiyu.
Asalin hoton, Getty Images
Buffon da Messi da Ronaldo ka iya cin kyutar Uefa
An fitar da sunayen Gianluigi Buffon da Lionel Messi da kuma Cristiano Ronaldo a matsayin wadanda za su iya cin kyutar gwarzon dan wasan ta hukumar kwallon kafa ta Turai, Uefa.
Kociyoyi 80 da 'yan jarida 55 suka zabi 'yan wasan.
Messi da Ronaldo sun ci kyautar sau biyu -inda Ronaldo ya ci a kakar bara.
Za a mika kyautar ce a ranar 24 ga watan Agusta lokacin da da za a fitar da jadawalin gasar zakarun Turai.
Asalin hoton, Getty Images
Newcastle za ta dakuki aron dan wasan Chelsea
Ana tsammanin Newcastle United, da aka sani da Magpies, za ta dauki aron dan wasan gefen Chelsea mai shekara 21 Kenedy ,amman kociyan Blues, Conte ya jinkirta yarjejeniyar saboda tsoron raguwar 'yan wasansa, in ji. Goal.
Asalin hoton, Getty Images
Rafael Benitez na ya kara 'yan wasa
Kociyan Newcastle United, Rafael Benitez, yana hakon karin 'yan wasa biyar kafin a rufe kasuwar musayar 'yan wasa nan da mako biyu, in ji jaridar Telegraph.
Asalin hoton, Getty Images
Stoke City na gab da shelar sayan Jese Rodriguez
Kungiyar kwallon kafa ta Stoke City na gab da shelar sayan dan wasan gaba na PSG mai shekara 24 Jese Rodriguez, in ji jaridar Telegraph.
Asalin hoton, Getty Images
Dan wasan Leicester na dab da komawa Derby County
Dan wasan gefen Leicester City, Tom Lawrence, mai shekara 23, yana dab da komawa Derby County a wata yarjejeniyar da ta kai fam miliyan 7, in ji jaridar Daily Mail.
Asalin hoton, Getty Images
Juventus na son Jack Wilshere
kungiyar kwallon kafa ta Juventus tana son sayan dan wasan tsakiya Jack Wilshere, mai shekara 25, daga Arsenal, kamar yadda Daily Mirror ta ruwaito daga Gazzetta dello Sport.
Asalin hoton, Getty Images
Carlos Tevez ya yi alkawarin komawa Shangai Shenhua
An bai wa Carlos Tevez izinin zuwa Argentina, amman sai da ya rattaba hannu kan wata takarda cewar shi zai koma kungiyar kwallon kafa ta Shangai Shenhua zuwa ranar 30 ga watan Agusta.
Akwai rahotannin da ke cewa, Tevez mai shekara 33, wanda ya koma Shanghai daga Boca Juniors a watan Disamba, yana son barin kulob din.
Tsohon dan wasan gaba na Manchester City din ya nemi Shanghai ta kyale shi ya koma gida jinyan ciwon da ya ji a kafa.
Tevez, wanda ya rattaba hannu akan yarjejeniyar shekara biyu, ya sha kwallaye biyu a wasanni 11.
Asalin hoton, Getty Images
Chelsea na son dan wasan Ajax
Kungiyar kwallon kafa ta Chelsea tana sha'awar dan wasan baya Davinson Scanhez, amman Ajax ta hakikance cewar Sanchez ba na sayarwa ba ne, in ji jaridar Daily Star.
Asalin hoton, Getty Images
'Ina son in koma Tottenham'
Dan wasan bayan Colombia, Davinson Sanchez, mai shekara 21, ya shaida wa kungiyar kwallon kafarsa ta Ajax cewar shi yana son komawa Tottenham kafin a rufe kasuwar musayar 'yan wasa, in ji jaridar Independent.
Asalin hoton, Getty Images
Diego Costa ya yi 'abin kunya'
Rashin komawar dan wasan gaban Chelsea, Diego Costa, atisaye 'abin kunya ne', in ji tsohon dan wasan gaban Arsenal, Ian Wright.
Dan wasan mai shekara 28, wanda a yanzu haka yana kasarsa Brazil, ya ce an yi masa kamar shi babban mai laifi ne a Chelsea kuma yana son ya koma tsohuwar kulob dinsa, Atletico Madrid.
Asalin hoton, Getty Images
Ajen din Mahrez na son Roma ta kara mar kudi
Ajen din wasan gefe na Leicester City, Riyad Mahrez, yana kokarin shawo kan kungiyar kwallon kafa ta Roma domin ta kara kudin da ta taya dan wasan mai shekara 26 zuwa fam miliyan 40 ciki har da kudaden da za a kara, in ji Sky Sports.
Asalin hoton, Getty Images
Komawar Ross Barkley Chelsea na cike da shakku
Komawar dan wasan tsakiyar Everton Ross Barkley zuwa Chelsea ko Tottenham ya kasance cike da shakku bayan dan shekara 23 din ya ji ciwo a lokacin ataisaye, in ji jaridar Sun.
Asalin hoton, Getty Images
Marco Asensio na son tattaunanwa kan Arsenal
Dan wasan tsakiya Marco Asensio, mai shekara 21, ya nemi a gudanar da tattaunawar gaggawa da Real Madrid bayan Arsenal ta nuna sha'awar son sayansa,in ji jaridar Sun.
Asalin hoton, Getty Images
Chelsea ta gindaya wa Diego Costa sharruda
Chelsea ta gindaya wa dan wasan gaba Diego Costa wasu sharruda da dole sai ya cika kafin ta yi tunanin sayar da dan wasan mai shekara 28, in ji jaridar Guardian.
Asalin hoton, Getty Images
'Zan yi kokarin shawo kan Coutinho'
Keftin din Liverpool, Jordan Henderson, ya ce shi zai yi kokarinsa wajen shawo kan takwaransa, Philippe Coutinho, ya tsaya a Anfield, yayin da dan Brazil din mai shekara 25 ke neman komawa Barcelona, in ji jaridar Daily Mirror.
Asalin hoton, Getty Images
An samu baraka tsakanin Conte da masu Blues
An samu rashin jituwa tsakanin kociyan Blues , Antonio Conte, da masu Stamford Bridge kan adadin yan wasan da ya kamata kungiyar ta saya yayin da kociyan dan asalin Italiya yake son sayan 'yan wasa masu kwarewa wadanda sake sayar da su ba zai yi kudi ba, in ji Times.
Asalin hoton, Getty Images
Barcelo ta cimma matsaya da Borussia Dortmund kan Ousmane Dembele
Barcelona ta cimma yarjejeniyar biyan Borussia Dortmund fam miliyan90 domin sayan dan wasan gaba mai shekara 20 Ousmane Dembele kamar yadda Daily Express ta ruwaito daga Sport.
Asalin hoton, Getty Images
