Sai gobe!
Karshen labarai da sharhin kenan game da kasuwar musayar 'yan wasa. Sai gobe!
Madrid na son Neymar da Hazard da Lewandowski
Karanta labarai da sharhi game da yadda kasuwar musayar 'yan wasa ke ci a Turai
Rahoto kai-tsaye
Abdulwasiu Hassan
Juventus na son dan wasan Arsenal
Asalin hoton, Getty Images
Nan gaba kadan ne kungiyar kwallon kafa ta Juventus za ta nemi dan wasan bayan Arsenal, Hector Bellerin a lokacin bazara. Kungiyar da ke kan gaba a gasar Serie A ta fara bibiyar dan kasar Spaniyan mai shekara 22 ne tun shekarar 2014.
Conte zai taya Fernando Llorente
Asalin hoton, Getty Images
Kocin kungiyar kwallon kafa ta Chelsea, Antonio Conte, yana son ya sake taya dan wasan Tottenham, mai shekara 32 Fernando Llorente, in ji Independent.
Ejen din Henrikh Mkhitaryan ya je Landan kan tafiyarsa Arsenal
Daily Mirror tana bayar da rahoton cewa ejen din Henrikh Mkhitaryan,Mino Raiola, yana Landan domin kulla yarjejeniyar komawar dan wasan tsakiyar Arsenal daga Manchester United.
A baya dai Arsene Wenger ya tabbatar da cewa an kusa cimma yarjejeniya kan dan wasan, yayin da ake sa ran Alexis Sanchez zai koma Manchester United.
Asalin hoton, Getty Images
Bayanan hoto, Ejen din Mkhitaryan, Mino Raiola, shi ne ke wakiltar Romelu Lukaku da Zlatan Ibrahimovic da kuma Paul Pogba Ko Guardiola zai sayi dan West Brom?
Asalin hoton, Getty Images
An shaida wa kocin Manchester City, Pep Guardiola, cewar za a sayar da dan wasan West Brom, Jonny Evans, mai shekara 30, kan kudi fam miliyan 23.5.
Kuma nan ba da jimawa ba ana tsammanin zai nemi sayen dan wasan, in ji Sun.
Pique ya tsawaita kwantiraginsa da Barca
Asalin hoton, Getty Images
Dan wasan bayan Barcelona, Gerard Pique, ya cimma yarjejeniyar tsawaita zamansa a kulob din zuwa shekarar 2022.
Sabon kwantiragin dai ya hada da zabi na fansa da ya kai kudi fam miliyan 440.
Ozil ba zai tafi ba — Wenger
Asalin hoton, Getty Images
Kocin Arsenal ya hakikance akan cewar Mesut Ozil ba zai tafi ko ina ba a wannan watan.
Da aka tabaye shi akan ko Ozil zai bar Emirates a wannan kocin, sai ya ce a'a, yana mai karawa da cewa dan wasan zai ci gaba da taka leda a kungiyar.
Real Madrid na son Neymar da Hazard da Lewandowski
Asalin hoton, Getty Images
Kungiyar kwallon kafa ta Real Madrid ta yi imanin cewa lokaci ya yi ta sayi dan wasan PSG, Neymar, da dan wasan Chelsea, Hazard da kuma dan wasan Bayern Munich Robert Lewandowski, in ji Marca.
Liverpool ta ce Sturridge ba na aro ba ne
Asalin hoton, Getty Images
Kungiyar kwallon kafa ta Liverpool ta sanar da kulob din Sevilla cewar ba za ta sallamar mata da dan wasan gaban Ingila, Daniel Sturridge, mai shekara 28 ba, bisa yarjejeniyar aro zuwa karshen kaka ba, in ji Mail.
Wenger na ganin Sanchez zai koma Man United
Asalin hoton, Getty Images
Kocin Arsenal, Arsene Wenger, ya ce yana kyautata zaton cewar dan wasan gaba Alexis Sanchez zai koma kungiyar kwallon kafa ta Manchester United ne.
Kwantiragin Sanchez, mai shekara 29, zai kare a watan Yuni, kuma ana tunanin cewar ya cimma yarjejeniya da kungiyar ta Old Trafford bisa sharruda na kashin kansa.
Kun san kudin da Man United za ta bai wa Sanchez?
Asalin hoton, Getty Images
Yarjejeniyar da Manchester United take son ta kulla da dan wasan gaban Chile, Alexis Sanchez, daga kungiyar Arsenal, zai kai fam miliyan 180 bayan ya amince da kwantiragin shekara hudu da rabi, in ji Telegraph.
Man United ta fara tattaunawa da David de Gea
Asalin hoton, Getty Images
Manchester United ta fara tattaunawa da mai tsaron gida David de Gea, wanda kungiyar kwallon kafa ta Real Madrid ta dade tana hako, in ji Telegraph.
