Somaliya: Rayuwa a birnin Mogadishu mai fama da yaki

Bayanan hoto, Tarayyar Afrika ta nemi a kara adadin sojojinta da ke aikin kiyaye zaman lafiya a Somaliya daga dubu 8 zuwa dubu 20. Amisom ne ya aikowa da BBC wadannan hotunan kan yadda rayuwa ta ke a birnin Mogadishu mai fama da hadari.

Bayanan hoto, Tarayyar Afrika na goyon bayan sojojin gwamnati da ke kokarin kwace iko da birnin Mogadishu daga hannun kungiyar al-Shabab.

Bayanan hoto, Shekara da shekarun da aka shafe ana fama da rikici ya jefa dubban daruruwan 'yan kasar zuwa gudun hijira, tare da lalata ababan more rayuwa, kamar makarantu da sauransu.

Bayanan hoto, Wata mata da 'ya'yanta a wajen dakin shan magani na Amisom inda dubban jama'a ke karbar magani kyauta, akan duba wadanda suka samu rauni anan, yayinda wadanda suka jikkata sosai ake tafiya da su asibiti.

Bayanan hoto, Hayaki na tashi sakamakon wani abu da ya fashe, kungiyar tarayyar Afrika ta ce kungiyar al-Shabab na fuskantar koma baya, duk da harin da kungiyar ta kaddamar a watan azumin da ya wuce.

Bayanan hoto, Sojojin gwamnatin Somaliya na kokarin karfafa ikonsu a gundumar Tarbunka da ke wajen birnin Mogadishu tare da taimakon Amisom.

Bayanan hoto, Wasu daga cikin sojojin kiyaye zaman lafiya a birnin Mogadishu, duk da alkawarin da kasashe suka yi, Uganda da Burundi ne kawai suka aika da sojoji zuwa kasar ta Somalia.