Gwamnatin kawance zata yi karko
An wallafa
Sabon Pira ministan Birtaniya, David Cameron, da mataimakinsa, Nick Clegg, sun dage kan cewa gwamnatin gambizar da suka kafa a jiya, wadda ita ce ta farko a kasar a cikin shekaru da dama da suka wuce, tana da karfi, kuma za ta dore.
A wani taron manema labarai da suka kira, inda a wasu lokuta suka rika raha, tsoffin abokan hamayyar biyu sun ce kan jam'iyyunsu a hade ya ke, kuma za su yi aiki tare a duk tsawon shekaru 5 na wa'adin mulkinsu, duk da cewa akwai bambancin manufa a tsakaninsu.
Mr Cameron ya yi alkawarin cewa gwamnatinsa za ta nuna shugabanci na gari, kuma ta sa ka'idoji uku a gaba: watau 'yanci, adalci da sanin ya kamata.
