An mika sunan shugaban hukumar zabe ga majalisa
An wallafa
Fadar shugaban Najeriya ta mika sunayen shugaba da mambobin hukumar zabe mai zaman kanta ta kasa INEC, ga majalisar dattawan kasar don tantancewa.
A farkon wannan watan ne majalisar kasa ta amince da sunan Farfesa Attahiru Jega a matsayin sabon shugaban INEC, tare da wasu mutanen da shugaban Najeriyar, Dr. Goodluck Jonathan ke so su zama kwamishinonin hukumar zaben.
Sai dai a cikin jerin sunayen da aka gabatarwa majalisar dattawan a yau babu sunayen mutane biyu daga ainihin sunayen da aka gabatar ga majalisar kasa.
Sake shugabancin hukumar zaben kasar dai na gaba-gaba cikin batutuwan da ke tattare da cece-kuce game da samun ingantaccen zabe a kasar.
