An bayyana Alhamis a matsayin ranar makoki a Cambodia
An wallafa
Fira Ministan Cambodia ya ayyana ranar Alhamis dake tafe a matsayin ranar makokin mutuwar mutane kusan dari uku da hamsin sakamakon wata hatsaniya a lokacin wani buki a babban birnin kasar na Phnom Pehn.
Gwamnatin Cambodia tayi wannan sanarwa ne yayin da ake cigaba kokarin gano gawarwakin wadanda suka mutu a hatsaniyar da kuma ta jikkata wasu daruruwan mutanen
Shi dai wannan biki da ake kira na ruwa, shi ne mafi girma da ake yi kowacce shekara a birnin Phnom Pehn, kuma mazauna kauyuka kan yi tururuwa domin halartar bukin.
Wannan dai shine wani bala'i mafi muni daya taba faruwa a tarihin wannan biki da ake gudanarwa shekara-shekara
