Algeria zata rage kudin abinci
An wallafa
Gwamnatin Algeria ta ce zata rage kudin wasu abinci a wani yunkuri don kawo karshen zanga zangar da aka shafe 'yan kwanaki ana yi , wadda kuma tayi sanadiyyar mutuwar mutane akalla uku.
Bayan da ministocin kasar suka kamala wani taron gaggawa, hukumomi sun ce za'a rage kudin harajin da aka dorawa sukari da kuma man gyada.
Wanan shine matakin farko a zahiri da gwamnatin kasar zata dauka domin shawo kan tarzomar data barke a ranar larabar data gabata a birnin Algiers, kan tsadar rayuwa da kuma rashin aikin yi.
