Zaben gwamna a jahar Bayelsa
Asalin hoton, Reuters
An wallafa
A Najeriya, a yau ne aka gudanar da zaben gwamnan jahar Bayelsa - watau jahar da shugaba Goodluck Jonathan ya fito.
An shirya zaben ne bayan da a kwanakin baya kotu ta ce wa'adin mulkin wasu gwamnoni biyar, ciki har da na Bayelsar, ya kare tun kamar watanni bakwai a baya.
An ce an dauki tsauraran matakan tsaro a zaben na yau, kuma komi ya gudana lami lafiya.
'Yan takara kimanin 35 ne suka yi takarar a yau.
A yanzu haka an soma kidayar kuri'un.
