Mutane na fama da karancin kudi gabda azumin Ramadan
An wallafa
A yayin da musulmi a fadin duniya ke ci gaba da shirye shiryen azumin watan Ramadana, jama'a a jihar Kano na kokawa da karancin kudin da za su sayi kayan bukatun yau da kullum a cikin watan na azumin.
Karancin kudin da ke hannun mutanen dai ya sa suma 'yan kasuwar na kokawa da rashin ciniki, idan aka kwatanta da irin wannan lokaci a shekarun baya.
Hakan dai na zuwa ne a dai dai lokacin da hukumar kididdiga ta Nigeria ke cewa farashin kayayyaki musmman ma kayan abinci ya tashi a watan da ya gabata.
Wasu daga cikin mutane da wakilinmu na Kano, Yusuf Ibrahim Yakasai, sun bayyana cewar basu da kudin da zasu sayi kayayyakin abinci ga azumi na gabatowa.
