'Yan sanda sun shiga gidan James Holmes
An wallafa
Kwararrun kan kunce bama bamai a jahar Colorado na kasar Amurka sun kunce wasu abubuwan fashewa da aka dana a gidan dan bindigar da ake zargi da kashe mutane 12 a wata Silima.
'Yan san da sun ce anyi nasarar fasa abubuwa da dama da aka dana a jikin wayoyi, kuma hakan zai sa su shiga cikin gidan laiya lau.
Wakiliyar BBC ta ce ya dauki kwarru kan kunce bama-bamai da ma'aikatan kashe gobara da 'yan sanda sama da sa'o'i talatin kafin su tsara yadda za'a iya shiga gidan lafiya.
Har yanzu 'yan sandan zasu kunce wasu karin abubuwan fashewar dake cikin gidan
Har yanzu ana tsare da mutumin da ake zargin James Holmes. An kamashi ne jim kadan da harin da ya kai Sinmar dake Denver ranar juma'a da daddare.
