Jirgin Najeriya ya yi saukar gaggawa

Wani karamin jirgin sama na Najeriya yayi saukar gaggawa a wani kauye a jihar Dosso ta Jamhuriyar Nijar.

Bayanai sun tabbatar da cewa ba abin da ya samu mutane biyun da ke cikin jirgin.

Amma kuma jirgin ya baci sosai kasancewar a wani daji da ke dab da kogin Kwara na kasar ya sauka.

Lamarin ya faru ne da daren Asabar dinnan a kauyen da ke da nisan kusan kilomita 100 daga birnin Dosso.