Kura ta soma lafawa a Sudan ta Kudu

Rahotanni daga Sudan ta Kudu na cewa yarjejeniyar tsagaita wuta da aka cimma tsakanin Shugaba Salva Kiir da tsohon mataimakinsa Riek Machar a ranar Juma'a ga alama ta fara aiki.

An ci gaba da samun tashe-tashen hankula a jihar Upper Nile mai arzikin mai a karshen mako bayan sanya hannu a kan yarjejeniyar.

Sai dai wani mai magana da yawun rundunar soji Philip Aguer ya shaidawa BBC cewa ba a sake jin wani tashin hankali ba a ranar litinin.

Jami'in kungiyar agaji ta Oxfam Colm Bryne wanda ke Juba ya ce mutane suna fata za a kawo karshen tarzomar

Ya ce "Mun san cewa an sami yan tashe tashen hankula amma ina tsammanin yarjejeniyar tsagaita wuta abar maraba ce kwarai."